1 O Ikiavɨra Itir God, kɨ nɨ ko ikɨtɨ nɨ na geghuv na avaragh nan gantɨ,
2 Nɨ zurara arazir aghuim gami.
3 Nɨ dagɨar ekiamɨn mɨn na modogh.
4 Nan God, nɨ gumazir kurabar dafarimɨn ua na ini.
5 Ekiam, kɨ nɨghnɨzir gavgavim nɨn iti.
6 Nan ikɨrɨmɨrir kɨ itir kam, a nɨn agharimra iti.
7 Na bativizir biziba, gumazamizir avɨriba dar ganigha fo,
8 Dughiabar zurara,
9 Kɨ ghurigha gɨvagha gavgaviba puvatɨ,
10 Nan apaniba na mɨsueghtɨ kɨ aremeghasa
11 Me ghaze, “God anetegha gɨvazɨ, gumazir an akurvaghamiba puvatɨ.
12 O God, nɨ na ategh nan saghon ikian markɨ.
13 Gumazir akaba na gasiba, nɨ me abɨnigh bar moghɨra me agɨfagh.
14 Nɨ nan akurvaghsɨ, kɨ nɨ mɨzuam nɨghnɨzir gavgavim nɨn ikiam.
15 Kɨ nɨn arazir aghuimɨn gun gumazamizibav kɨmam.
16 O Ekiam, nɨ Ikiavɨra Itir God, kɨ nɨn gavgavir ekiam gɨnɨghnɨgh nɨn ziam fam.
17 O God, kɨ igiamra ikia iza datɨrɨghɨn, nɨ nan sure gami.
18 Kɨ datɨrɨghɨn ghurigha gɨvagha bar ghurapani.
19 God, nɨn arazir aghuim nguazir kamɨn danganiba bar dagh izɨvagha, uanaga overiamɨn tu,
20 Osɨmtɨzir kaba nɨ na bagha da amangizɨ da izi.
21 Nɨ nan ziam damightɨ a bar ekevegh,
22 Kɨ gita mɨsoghtɨ an ararer aghuim otivtɨ, kɨ nɨn ziam fam.
23 Kɨ ighiam bangɨ bar akongegh dɨmam.
24 Gumazamiziba na gasɨghasɨghasava amima,