1 Godra, kɨ nɨghnɨzir gavgavim an ikia a baghavɨra mɨzua iti.
2 Godra, a nan dagɨamra, ezɨ kɨ an aven modima, a nan akurvasi.
3 Ia dughiaba manmaghɨn, na gasɨghasɨghasa na bagha izi?
4 Kɨ ziar ekiam iti, eghtɨ ia na abɨragh nan ziar ekiar kam gasɨghasɨghasa.
5 Kɨ nɨghnɨzir gavgavim Godra ikia a baghavɨra iti.
6 Godra, a nan dagɨam, ezɨ kɨ an aven modima, a nan akurvasi.
7 God uabɨra nan akurvagha ziar ekiam na ganɨdi.
8 Nan adarasi, ia zurara nɨghnɨzir gavgavim Godɨn ikɨ.
9 Gumazir kɨniba mati, amɨnim pura akamɨn otiva zui.
10 Ia mɨdorozir arazim ko okɨmakɨar arazim kamaghɨn aning gɨnɨghnɨghan markɨ,
11 Nan orarazim, God dughiar avɨribar kamaghɨn mɨgei,
12 Kɨ zurara gumazamizibar apangkufi.