1 O Ikiavɨra Itir God,
2 Kɨ osɨmtɨzim ikɨtɨ,
3 Guizbangɨra, nan ikɨrɨmɨrim mɨgharimɨn mɨn dughiar otevimɨn ikegha ua ghugha gɨfa.
4 Ezɨ nan navir averiam mati, me dadar mɨdiaribar mɨn,
5 Kɨ mɨzazim baragha pamten arai.
6 Kɨ kuarazir bagabar mɨn gumazamiziba puvatɨzir danganimɨn uabɨra iti.
7 Kɨ mɨsiamɨn akuima, nan damazimning kuiaghirɨghavɨra iti.
8 Ezɨ dughiabar zurara, nan apaniba mɨgɨrɨgɨabagh amua na dɨpova na gasɨghasɨsi.
11 Nan ikɨrɨmɨrimɨn dughiam mati nedazim zuamɨra ghua guaratɨzimɨn gɨfa.
12 O Ikiavɨra Itir God, nɨrara gumazamizibagh ativagh men ganvɨra ikiam.
13 Eghtɨ nɨ dɨkavigh izɨ Saionɨn nguibamɨn apangkuvigham.
14 Saionɨn nguibam ikufi.
15 Eghtɨ Kantrin Igharazibar Gumazamiziba, Ikiavɨra Itir Godɨn ziar ekiam ko gavgavimɨn atiating,
16 Ikiavɨra Itir God, gɨn ua Saionɨn nguibamɨn ingarigh,
17 Egh a uan gumazamizir fomɨra pura taghiziba, a men azangsɨziba baragham.
18 Bizir Ikiavɨra Itir God amir kam, tav akɨnafarimɨn an osirigh,
19 Gumazir osiramin kam kamaghɨn osiram:
20 A gara orazi,
23 Guizbangɨra, kɨ igiamra itima, God nan gavgavim gasɨghasɨki.
24 Kamaghɨn, kɨ ghaze, O nan God, nɨ ikia mamaghɨra iti.
25 Nɨ bar faraghavɨra nguazir kamɨn ingari,
26 Overiam ko nguazim bar ikuvigh gɨvagham,
27 Ezɨ nɨ ikia kamaghɨra iti, egha gevir puvatɨ.
28 E nɨn ingangarir gumazamiziba.