1 “Jop, kɨ datɨrɨghɨn nɨ mɨkɨmamin mɨgɨrɨgɨaba,
2 Kɨ bar datɨrɨghɨra mɨgɨrɨgɨar kabar gun nɨ mɨkɨmasava ami.
3 Ezɨ mɨgɨrɨgɨar kɨ nɨ mɨkɨmamin kabanang, nɨ da baragh kamaghɨn fogh,
4 “Godɨn Gavgaviba Bar Itimɨn duam nan ingari,
5 Jop, kɨ kamaghɨn ifonge,
6 Godɨn damazimɨn ga magh gari.
7 Kamaghɨn amizɨ, nɨ nan atiatingan markɨ.
10 Ezɨ God uan apanimɨn mɨn osɨmtɨziba na darɨghasa tuaviba buri,
11 A senɨn nan dagarimning ike,
12 “Jop, nɨ oragh.
13 Nɨ tizimsua akam God gasa ghaze,
14 E fo, God tuavir avɨribar uan akamɨn e mɨgei.
15 “E dɨmagaribar uan mɨsiabagh akuir dughiabar,
16 Egha irebar kabar aven, e uan arazir kuraba akɨrasa,
17 Egh arazir kamɨn a gumazamizibar anogoreghtɨ,
18 A kamaghɨn aghua, e arazir kurabar amutɨ,
19 “Dughiar maba God gumazamizibar arazir kuraba akɨrasa arɨmariaba me ganɨdi,
20 Me daghebar aman bar aghua.
21 Me mɨkarziba suegha bar aghariba gui,
22 Men ikɨrɨmɨrim bar gɨvasava ami,
23 “Eghtɨ Godɨn enselɨn bar avɨrimɨn tongɨn enselɨn tam izɨ,
24 Eghtɨ enselɨn kam, gumazir kamɨn apangkuvigh kamaghɨn Godɨn azangam,
25 Eghtɨ gumazir kamɨn mɨkarzim ua gavgavigh igiamɨn otogham,
26 Gumazir kam datɨrɨghɨn God ko mɨkɨmtɨ an a baragham.
27 Egh gumazir kam bar akuegh ighiam bangɨ gumazamizir igharazibav kɨm suam,
28 A ua nan ikɨrɨmɨrim givese, ezɨ kɨ Oveaghuezibar Nguibamɨn ghuzir puvatɨ.
29 “Guizbangɨra, dughiaba zurara God arazir kabar gumazamizibagh ami.
30 A ua men ikɨrmɨribagh ivesi, ezɨ me Oveaghuezibar Nguibamɨn zuir puvatɨ.
31 “Jop nɨ datɨrɨghɨn oragh.
32 Kɨ kamaghsua bar ifonge, gumazamiziba fogh suam,
33 Nɨ mɨgɨrɨgɨaba puvatɨgh,