1 Jop kamaghɨn Elifasɨn mɨgɨrɨgɨam ikara:
2 “Kɨ zurara mɨgɨrɨgɨar kaba baragha ghua, ua da baraghan amɨra.
3 Ia ghaze, Jop, nɨ akam ara ghuavɨra iti.
4 Ezɨ kɨ kamaghɨn ia mɨkɨmasa, ia nan danganim inigh, kɨ paza iti moghɨn ikɨtɨ,
5 Nan akatorimɨn kɨ mɨgɨrɨgɨar gavgavir bar avɨribar ia damutɨ, ian mɨzaziba amɨragh magɨram.
6 Egha kɨ uabɨ kamaghɨn nɨghnɨsi, kɨ mɨkɨmam, o kɨ akatorim dukuagham,
9 God bar nan aghuagha nan apanim gami.
10 “Gumazamiziba tuivigha na okarigha, arazir kurabar na gami.
11 Gumazir akɨrim ragha God gasava arazir kurar avɨribagh amiba,
12 Fomɨra kɨ deraghvɨra ike, ezɨ God otogha nan fɨrimɨn suiragha bar na mɨsaragharɨki,
13 Ezɨ an mɨdorozir gumaziba na gasavamadi.
14 A nan tuavim apɨrigha puvɨra na mɨsosi,
15 Fomɨra, kɨ ziar ekiam iti, ezɨ datɨrɨghɨn, kɨ onganarazibagh amua bar aghumsɨki.
16 Kɨ aziavɨra itima nan damazimning begha nan mɨtarmangi.
17 Kɨ arazir kuraba puvatɨ, ezɨ osɨmtɨzir kaba pura na batifi.
18 “O nguazim, nɨ oragh.
19 Kɨ fo, na bagha garir gumazir mam Godɨn Nguibamɨn iti.
20 Nan namakaba na gifongezir puvatɨgha, pazavɨra na dɨpofi.
21 Kɨ kamaghsua, gumazim uan namakamɨn akuragha gumazir igharazim ko akam akɨri moghɨn,
22 Guizbangɨra, kɨ dughiar otevimɨn angamɨra ikiam,