1 Jop kamaghɨn Sofarɨn akaba ikarvasi:
2 “Bar guizbangɨra, ia 3plan namakar kaba, ia nɨghnɨzir aghuim ko fofozir aghuim iti.
3 Ti puvatɨgham. Kɨrara, kɨ uaghan fofozim iti.
4 “Ezɨ datɨrɨghɨn ia nan namakaba, ia na dɨpofi.
5 Gumazamizir deravɨra ikia osɨmtɨziba me bativir puvatɨziba,
6 Ezɨ okɨmakɨar gumazamiziba ko Godɨn akaba batozir gumazamiziba,
9 Ikiavɨra Itir God ingarizir bizir kaba bar, da an amir bizibagh fo.
10 Gumazamizibar ikɨrɨmɨrim ko bizir a ingarizir igharaziba sara,
11 “En akatoriba dagheba apa dar isɨngtɨzim barasi, daghem isɨngiz, o a ikufi.
12 Guizbangɨra, gumazamizir ghuriba nɨghnɨzir aghuiba ko fofoziba iti.
13 Ezɨ Godɨn nɨghnɨzir aghuim ko fofozim, gumazamizir ghuribar fofozim bar a gafira.
14 “God bizitam gasɨghasightɨ, gumazitam uam an ingarighan kogham.
15 Egh God amozimɨn anogoreghtɨ, aruer ekiam otoghtɨ, nguazim bar mɨsigh gavgavigham.
16 God gavgavir ekiam iti.
17 Gumazir nɨghnɨzir aghuiba atrivibagh anɨdiba,
18 God atrivibar ingangaribar me agefi,
19 A ofa gamir gumazibagh amima, me onganigha bibiabaram arui.
20 Nɨghnɨzir aghuiba isa gumazir dapanibagh anɨdiba, God men akatoribar kumi.
21 A gumazir dapaniba abɨra paza me gami,
22 A bizir mogomebagh amima,
23 A kantribagh amima, da gavgava ziaba iti.
24 A kantribar gumazir dapanibar nɨghnɨzir aghuiba batoghezɨ,
25 Me mati gumazim danganir mɨtarmemɨn ikia tuavim buria pura suighsuisi.