1 Ia deravɨram oragh! Ikiavɨra Itir God nguazim bar a gasɨghasɨghtɨ,
2 Gumazamizir dabirabir igharagha garibar itiba, me bar moghɨram osɨmtɨzir vamɨra bativam.
3 Nguazim bar moghɨra ikuvigh pura ikiam.
4 Nguazir bar mɨsɨngigha, an gavgavim gɨfa, ezɨ an azirakar amɨrizibagh ami.
5 Gumazamizibar arazir kuraba bangɨn, nguazim Godɨn damazimɨn bar ikufi.
6 God men arazir kurabar osɨmtɨzim bangɨn mɨkemezɨ,
7 Egha me garima, wainɨn ovɨzir igiaba mɨdɨima,
8 Me ua bar akuegha, dia uan tambarinbav mɨsozir puvatɨ.
9 Me wainɨn dɨpaba apir dughiamɨn, me ua ighiabagh amir puvatɨ.
10 Nguibar ekiamɨn itir biziba bar moghɨra ikufi.
11 Ezɨ gumazamiziba damamin wainɨn dɨpaba puvatɨ,
12 Nguibar ekiam bar ikufi,
13 Arazir kamra, nguazir kamɨn itir gumazamiziba bar me bativam,
14 Ezɨ ikiavɨra iti varazira, me bar akuegh ighiabar amuam.
15 Kamaghɨn amizɨ, ia aruem anadi naghɨn itir gumazamiziba,
16 Ia oragh!
17 Ia nguazir kamɨn itir gumazamiziba, iavzika!
18 Eghtɨ gumazitam dughiar kurar kamɨn mɨgɨrɨgɨam bareghɨva arɨmangam,
19 Nguazim bar puvɨra nɨgh bɨghirɨ,
20 Nguazim ivazvagh,
21 Eghtɨ Ikiavɨra Itir God uabɨ mɨsevezir dughiamɨn,
22 God me akuvagh me isɨ kalabus datɨgham,
23 Dughiar kamɨn, Ikiavɨra Itir Godɨn Gavgaviba Bar itim, uan angazangarir ekiam ko, uan gavgavim sara izɨ,