1 मीक आरम ईकन इनजोर, देवुळि मुनेन पोल्लो विळ्सिस मता. अद पोल्लो इंजेक वने अरयह्ता. अदिनेनाह्कु आरम दोर्कनगा एव्वोम आयकोम बहा इनजोर, मीट ओर्वोग़-ओर्वोग़ रेयिस मन्ह्टु.
2 बेसतल कबुरतुन इस्रयेलतोर केंजतप लेह्कान, माट वने केंजतल; मति ओर केंजतस्के, अद कबुरतुन विस्वस केवोर. अदिनेनाह्क केंजिसाय, ओरिह्क बाताले पाय्दा इले.
5 “आरम कीयिर इनजोर नना वेरेनाह्क तासतद जागातगा, वेर मुर्तिय एव्वोर आयनुर,”
6 ओसो, बेसतल कबुरतुन पोकुर कीतदिन केंजतोर मुनेतोर मन्कलोर, देवुळता पोल्लो केंजवाह्कु, आरम कीयनगा एवया पग़वोर; मति उय्तुर अगा ओळियना इन्जि, अद आरम कीयनद जागा नेंड वने दोर्किह्ता.
7 अदिनेनाह्क ओसो उंद दियातुन देवुळि आचता. तान “नेंडु” इनजोर इन्ह्ता. (पेळ्ह्कल बूमते देवुळताङ केंजवोरा पोल्लोता पया,) वेल्लाङे वर्साना पेग़्के, दाविद राजाना तोडटे देवुळि इता:
8 आरम कीयनद जागा ईकन इनजोर, देवुळि पोल्लो विळ्सिस मता. इद पोल्लोतुन अर्विसि, माक बाताल तेळियिह्ता? कनान इनदनद देसेमते, मावाङ तादोर-बाबोरिन यहोसा मुय्तोग़ ओस मतोग़. अद देसेम आरम कीयनद जागा आया पग़वो. आस मतेके, आरमतेनाह्क ओसो उंद दियातुन देवुळि वेहो आवालि.
9 अदिनेनाह्क इदे पोल्लो मन्ह्ता: देवुळि बेद्रम वारमता आक्रि दियाते तना कबळताहि रोमता, अद्रम तना मन्कलोरेनाह्क वने, आरम कीयनद जागा मन्ह्ता.
10 बेद्रम देवुळि तनाङ कबस्कनाहि रोमता, अद्रमे ताना मन्कलोर, देवुळि तासतद आरम कीयनगा ओळियिसि, तमाङ कबस्कनाहि रोमिह्तोर.
11 अदिनेनाह्क माट वने अगा, आरम कीयनद जागातगा एवयलाहि जिद कीयिङ. मयग्डाहि बोग़े, मुनेतोर मन्कलोरा लेह्कान, देवुळता पोल्लो केंजवाह्क, बूळेम आयनद आयो.
12 बाराह्क इतेके, देवुळ वेहतद पोल्लो जीवात मन्ह्ता. मावा लोप्पा कबळ कीस्ता. रेंड बाजेङ वाय्व मनदनद तल्वर कसेग़ बेद्रम बोकातुन, मुळ्गुंजतुन पग़्क पहतना लेह्का गडिह्ता; तान्काय एक्वा वीळिस, देवुळता पोल्लो मन्कलोरा जीवातुन, बुदतुन पग़्क पहतना लेह्का गडिह्ता. अद मन्कलोरा सीतातुन, विचरतुन पर्ह्किस ऊळिह्ता.
13 देवुळि पुटिह कीतद बेदे आयि, तानाङ कोंडानाहि मक पग़वो; मति सबेटव तान्क पोळ्क्ने दिसिह्ताङ. तान्के माक पूरा इसब ईया पोयह्ता.
16 माक बेस्के गर्ज अरयह्ता, अस्के देवुळ माक ऊळिस जीवा लोपि, दया कीस तोळ ईयि इनजोर, दया कीयनद देवुळता एरे, माट दीरा पोस दाकल.