1 Nā, kāhore a Harai, te wahine a Āperama, i whai tamariki māna. Nā, he pononga wahine tāna, nō Īhipa, ko Hakara tōna ingoa.
2 Nā, ka mea a Harai ki a Āperama, “Nanā, kua tūtakina nei ahau e Ihowā kei whānau tamariki. Māu e haere ki roto, ki tāku pononga; māna pea ahau e tū ai.”
3 Nā, ka tango a Harai, wahine a Āperama i a Hakara, i te wahine o Īhipa, i tāna pononga, i te takanga o ngā tau kotahi tekau o te nohoanga o Āperama i te whenua o Kanaana, ā, hōmai ana e ia ki a Āperama, ki tāna tāne, hei wahine māna.
4 Nā, ka haere ia ki roto, ki a Hakara, ā, ka hapū ia.
5 Nā, ka mea a Harai ki a Āperama, “Hei runga i a koe tēnei tutū ki ahau. I hoatu e ahau tāku pononga wahine ki tōu uma; ā, nō tōna kitenga kua hapū ia, ka iti ahau ki tāna titiro iho. Mā Ihowā e whakariterite tāku kōrero me tāu hoki.”
6 Nā, ka mea a Āperama ki a Harai, “Ha, kei tōu ringa anō tāu pononga; māu e mea ki a ia te mea e pai ana ki tāu titiro iho.” Nā, ka whakatupu kino a Harai i a ia, ā, rere ana ia i tōna aroaro.
7 Ā, ka kitea ia e te anahera a te Atua i tētahi puna wai i te koraha, i te puna i te huarahi ki Huru,
8 ka mea, “E Hakara, e te pononga a Harai, i haere mai koe i hea? E anga ana hoki koe ko hea?”
9 Nā, ka mea te anahera a Ihowā ki a ia, “Hoki atu ki tōu rangatira, kia whakaririka hoki koe i raro i ōna ringa.”
10 Ka mea anō te anahera a Ihowā ki a ia, “Ka whakanuia rawatia e ahau tōu uri, ā, e kore e taea te tatau, i te tini hoki.”
11 I mea anō te anahera a Ihowā ki a ia:
12 Ā, ka rite ia ki te kāihe mohoao i waenganui o te tangata;
13 Nā, ka huaina e ia te ingoa o Ihowā i kōrero nei ki a ia, “He Atua koe e kite ana,” i mea hoki ia, “I titiro rānei ahau i konei ki muri i tōku kaititiro mai?”
14 Koia i huaina ai taua puna ko Peere-Rahai-Roi; nā, kei waenganui i Karehe, i Perere.
15 Nā, ka whānau te tama a Hakara rāua ko Āperama; ā, huaina ana e Āperama te ingoa o tāna tama, i whānau nei i a Hakara, ko Ihimaera.
16 Nā, e waru tekau mā ono ngā tau o Āperama i te whānautanga o Ihimaera tama a Hakara rāua ko Āperama.