1 Kātahi ka waiata a Mohi rātou ko ngā tama a Īharaira i tēnei waiata ki a Ihowā, ā, ka whakahua, ka mea:
2 Ko Ihowā tōku kaha, tāku waiata,
3 He tangata whawhai a Ihowā;
4 Ko ngā hāriata a Parao, me tāna ope,
5 Taupokina iho rātou e ngā wai hōhonu;
6 “Ka whai korōria tōu ringa matau, e Ihowā,
7 Nā te nui o tōu kaha ka turakina e koe
8 Nā te hau hoki o tōu ihu i haupū ai ngā wai;
9 “I mea te hoariri, ‘Ka whai atu ahau, ka hopu,
10 I pupuhi atu koe ki tāu hau,
11 “Ko wai o ngā atua hei rite mōu, e Ihowā?
12 I totoro atu tōu ringa matau,
13 “Nā tōu atawhai i ārahina mai ai e koe
14 Ka rongo ngā iwi, ka tūiri;
15 Nō reira i ohorere ai ngā rangatira o Ēroma;
16 Tau ana ki a rātou te tūiri me te wehi;
17 Māu rātou e kawe atu, e whakatupu ki te maunga,
18 Hei kīngi a Ihowā ake ake.”
19 I haere hoki ngā hōiho a Parao, me ana hāriata, me āna hōia eke hōiho ki te moana, ā, nā Ihowā i whakahoki ngā wai o te moana ki runga ki a rātou; tēnā ko ngā tama a Īharaira, i haere rā te wāhi maroke, i waenga moana.
20 Ā, ka tango a Miriama poropiti, tuahine o Ārona, i te timipera ki tōna ringa; ā, haere atu ana ngā wāhine katoa i muri i a ia me ngā timipera, me te kanikani anō rātou.
21 Ā, i whakahokia e Miriama tā rātou:
22 Ā, ārahina atu ana e Mohi a Īharaira i te Moana Whero, ā, ka haere rātou ki te koraha o Huri, ā, e toru ngā rā i haere ai rātou i te koraha, ā, kīhai i kitea he wai.
23 Nā, ka tae rātou ki Mara, kīhai hoki i āhei te inu i ngā wai o Mara; he kawa hoki. Nā reira i huaina ai tōna ingoa ko Mara.
24 Nā, ka amuamu te iwi ki a Mohi, ka mea, “Ko te aha hei inu mā mātou?”
25 Nā, ka karanga ia ki a Ihowā; ā, ka whakakitea mai he rākau e Ihowā ki a ia, ā, pangā ana e ia ki ngā wai, nā, ka reka ngā wai.
26 I mea hoki ia, “Ki te rongo mārie koe ki te reo o Ihowā, o tōu Atua, ā, ka mahi i te mea tika ki tāna titiro, ā, ka whai taringa ki āna whakahau, ka pupuri hoki i āna tikanga katoa, e kore rawa tētahi o aua mate i whakapāngia ki ngā Īhipiana e ahau, e whakapāngia atu e ahau ki a koe. Ko Ihowā hoki ahau e whakaora nei i a koe.”
27 Nā, ka tae rātou ki Erimi, kotahi tekau mā rua nei ngā puna wai i reira, me ngā nīkau e whitu tekau; ā, ka noho rātou ki reira, ki te taha o ngā wai.