1 Heoi, kawea ana e rātou te āka a te Atua, whakatūria ana ki waenganui o te tēneti i whakaarahia e Rāwiri mōna; ā, tāpaea ana e rātou he tahunga tinana, he whakahere mō te pai ki te aroaro o te Atua.
2 Ā, ka mutu tā Rāwiri whakaeke i ngā tahunga tinana, i ngā whakahere mō te pai, ka manaakitia e ia te iwi i runga i te ingoa o Ihowā.
3 I tuwhaina anō e ia mā ngā tāngata katoa o Īharaira, mā te tāne, mā te wahine, kotahi rohi taro mā tēnei, mā tēnei, tētahi wāhi kikokiko, me tētahi keke karepe whakamaroke.
4 I whakaritea anō e ia ētahi o ngā Rīwaiti hei minita ki mua i te āka a Ihowā, hei whakamahara, hei whakawhetai, hei whakamoemiti ki a Ihowā, ki te Atua o Īharaira.
5 Ko Āhapa hei tuatahi; i muri i a ia ko Hakaraia, ko Teiere, ko Hemirāmoto, ko Tehiere, ko Matitia, ko Eriapa, ko Penaia, ko Opere-Eroma, ko Teiere hoki ki ngā hātere, ki ngā hāpa, ko Āhapa hei whakatangi i ngā himipora;
6 ko Penaia hoki rāua ko Tahatiere, ko ngā tohunga, kia tūturu tonu tā rāua mau tētere ki mua i te āka o te kawenata a te Atua.
7 I reira anō i taua rā ka whakaritea tuatahitia e Rāwiri he whakamoemiti mō Ihowā, nā te ringa o Āhapa rātou ko ōna tēina.
8 Whakawhetai atu ki a Ihowā, karanga ki tōna ingoa;
9 Waiata ki a ia, hīmene ki a ia,
10 Kia whakamanamana koutou ki tōna ingoa tapu;
11 Rapua a Ihowā, me tōna kaha,
12 Maharatia āna mahi whakamīharo i mahi ai ia;
13 e ngā uri o Īharaira, o tāna pononga,
14 Ko Ihowā ia, ko tō tātou Atua;
15 Maharatia tonutia tāna kawenata,
16 te kawenata i whakarite ai ia ki a Āperahama,
17 ā, whakapūmautia iho hei tikanga ki a Hākopa,
18 i a ia i mea rā, “Ka hoatu e ahau ki a koe te whenua o Kanaana
19 I te mea e torutoru ana anō koutou;
20 i a rātou e hāereere ana i tēnei iwi ki tērā atu iwi,
21 Kīhai rātou i tukua e ia kia tūkinotia e te tangata;
22 I mea ia, “Kei pā ki āku i whakawahi ai,
23 Waiata, e te whenua katoa ki a Ihowā;
24 Whakapuakina tōna korōria i waenganui i ngā tauiwi,
25 He nui hoki a Ihowā, kia nui te whakamoemiti ki a ia;
26 He whakapakoko hoki ngā atua katoa o ngā iwi;
27 He hōnore, he kīngitanga kei tōna aroaro;
28 Tukua ki a Ihowā, e ngā hapū o ngā iwi,
29 Tukua atu ki a Ihowā te korōria e tika ana mō tōna ingoa;
30 kia wehi rā ki tōna aroaro, e te whenua katoa.
31 Kia hari ngā rangi, kia koa te whenua;
32 Kia haruru te moana, me ngā mea hua ana i roto;
33 Ko reira ngā rākau o te ngahere waiata ai
34 Whakawhetai ki a Ihowā, he pai hoki ia,
35 Mea atu hoki: “Whakaorangia mātou, e te Atua o tō mātou whakaoranga,
36 Kia whakapaingia a Ihowā, te Atua o Īharaira
37 Heoi, ka waiho e ia i reira, i mua i te āka o te kawenata a Ihowā, a Āhapa rātou ko ōna tēina, hei minita tonu ki mua i te āka, i ngā meatanga o tēnei rā, o tēnei rā,
38 a Opere-Eroma me ō rātou tēina, e ono tekau mā waru; a Opere-Eroma hoki tama a Ierutunu, rāua ko Hōha hei kaitiaki tatau.
39 Ko Hāroko tohunga me ōna tēina, me ngā tohunga, ki mua o te tapenākara o Ihowā i te wāhi tiketike i Kipeono,
40 hei whakaeke tonu i ngā tahunga tinana mā Ihowā ki runga ki te āta tahunga tinana i te ata, i te ahiahi, hei mea i ngā mea katoa i tuhituhia ki te Ture a Ihowā, i whakahaua e ia ki a Īharaira.
41 Ā, hei hoa mō rātou a Hēmana rāua ko Ierutunu, me ērā atu i whiriwhiria, i whakahuatia nei ngā ingoa, hei whakawhetai ki a Ihowā, nō te mea he pūmau tonu tāna mahi tohu.
42 Hei hoa hoki mō rātou a Hēmana rāua ko Ierutunu me ngā tētere me ngā himipora mā ngā kaiwhakatangi kaha, me ngā whakatangi mō ngā waiata a te Atua. Ā, ko ngā tama a Ierutunu hei kaitiaki kūwaha.
43 Nā, haere ana te iwi katoa ki tōna whare, ki tōna whare, ā, hoki ana a Rāwiri ki te manaaki i tōna whare.