Hebreus 8

1 Nā, ko te tino tēnei o ēnei kōrero; he tohu­nga pērā tō tātou, kua noho ki matau o te torōna o te Nui i ngā rangi;

2 he minita mō te wāhi tapu, mō te ta­pe­nā­kara pono, tōna kai­whaka­ara nei ko te Ariki, ehara i te tangata.

3 Ko ngā tohu­nga nui katoa hoki, he mea whaka­rite hei tāpae atu i ngā whaka­here, i ngā patu­nga tapu; nā konei hoki i tika ai kia whai mea anō tēnei tohu­nga nui hei tāpae­nga atu māna.

4 Me i runga hoki ia i te whenua, kāhore ōna tohunga­tanga; tēnei hoki ngā tohu­nga hei tāpae i ngā whaka­here i runga i tā te ture.

5 Ko tā rātou mahi he rite­nga, he ātā­rangi nō ngā mea i te rangi, he pērā anō me te mea i tohu­tohu­ngia ki a Mohi, i a ia meāke hanga i te ta­pe­nā­kara, i mea hoki ia, “Kia mahara kia hangā e koe ngā mea katoa kia rite ki te tauira i whaka­kitea ki a koe i runga i te maunga.”

6 Tēnā ko tēnei he nui kē te mahi minita kua riro nei i a ia, he pai rawa hoki te kawe­nata ko tōna taka­wae­nga nei ko ia, he pai rawa hoki ngā kupu whaka­ari, i whaka­takoto­ria ai taua kawe­nata.

7 Me­he­mea hoki kīhai i whai hē taua kawe­nata ō mua, e kore e rapua he wāhi mō te tuarua.

8 I a ia hoki e whaka­hē ana, i mea ia ki a rātou:

9 E kore e rite ki te kawe­nata i whaka­ritea e ahau ki ō rātou mātua,

10 Ko te kawe­nata hoki tēnei e whaka­rite ai ahau ki te whare o Īharaira

11 I kore anō hoki rātou e whaka­ako i tōna hoa,

12 Ka mahi tohu hoki ahau ki ō rātou kino,

13 I a ia i mea, “He kawe­nata hou,” kua whaka­tawhito­tia e ia te mea tua­tahi. Nā, ko te mea kua tawhito­tia, kua koro­heke­tia, ka tata te memeha.