1 Yaka Mosese alonau Isileli wona ya hi wonaan Yehoba elana:
2 Yehoba iya o libu gasigasisena, iya i pwamwalau.
3 Yehoba iya toasiyala; iya alana Yehoba, iyoho ya i gangan.
4 Kin wana tolohaveyan ge wana waga momomol i aliyohiliek hogaa;
5 Hoga i yabomwil; i ola pat hi lobek limwana.
6 Yehoba, nimwam awom ana gasisi i bwata; Yehoba, nimwam awom topihigelgel i tagalekaleka-agil.
7 Alam i wasawasa hot, kaiwena bolo hi awatautau elam u apapanak-agil;
8 Wam yana eliyana hoga u huven papahe; hoga i hin i milil sapu i ola baba; hoga limwalimwanina i milil i gasisi.
9 Topihigelgel hi hanaha hi ba, “Ta tatauliulil-agil, inoke ta kukuhikagil,
10 Yaa Yehoba, wam yana elana hoga u huven yaka i yabomwil, hi lobek hi ola patbon hoga lolovakunina elana.
11 Yehoba, henala eba ni ola owa yabowaine ona gamwaliyaa? Nige etega.
12 Nimwam awom u paelu, yaka bilibili am topihigelgel i tinonil.
13 Iyaka u pwamwalima, inoke alona wam nunuwana nasi nu houwa-agima;
14 Labi ona wasa nihi hago, yaka lovakun kaiwena nihi ginu; ati bwanabwana Pilistiya ni yowanil.
15 Labi Idom ana tonowakau nihi lovakun nabi, Mowabi ana tohouwa nihi ginu.
16 lovakun ge ati bwanabwana amnanina nihi kalaopopwi.
17 Inoke abwe nu ahema ge nu en telema wam oya elana.
18 Yehoba, owa nu tologugui sauga gegewena nige ni momowasi.
19 He Isileli hoga hi nosolaan hi nawaa datu pwatanaa, yaa sauga Itipita wali waga momomol ginebi wali hosi ge ali tomatahikan hi ulutuk hogaa, yaka Yehoba hoga i pabini pasikal ge i yabomwil.
20 Inoke Eloni nuna Miliyami, iya palopita, wana tambalin i ahe, yaka evenakau gegewel i houwaagil ginebi wali tambalin hi sagasaga.
21 Miliyami i wona i ola:
22 Yaka Mosese Isileli i nulil Hoga Keketina hi tataluwai hi noek Sula Ulaina elana, labi kekekevana. Lan eton hi nawanawa uleya, yaa nige wewel etega hi pwapwawa.
23 Sauga hi vin panuwa Mala, he wewelina amnana i nak, yaka nige bosowailiya nihi im. (Heiya te kaiwena alana hi tun Mala.)
24 Yaka gamagalau Mosese hi lovehawol-an, ge hi nel hi ba, “Hauna ta im e?”
25 Yaka Mosese i awanun nabinabi Yehoba elana, inoke Yehoba ebwakil etega i pankite ge i ahe i alilowana wewela, yaka wewel amnana i waisi.
26 I ba, “Ebo nau Yehoba wami Yabowaine anau nuku hago bubun, wami ginol ni sapu matawa ge no logugui gegewena nuku henapuan, inoke gila ololana ya pek Itipita elal nige etega na pepewa. Nau Yehoba ami topwapwamolu.”
27 Yaka abwe hi na Ilima. He wewel bwanapitpit elulutega eluwa (12) ge deit puna sebenti (70) heliya iyoho to, inoke hi holaviya wewel bebenaa.