1 Mœ wu buku á endje djeedje ga tœnœ lœ kane kuni uzunœ á tshe sœ ga pa ngande tshagbozunœ. Endje sú mbeti ga lanœ dœ pe tshapanœ kɔ, yé œ pi dœ amende mindu dœ bisha.
2 Mœ wu anga andjelu á tshe sœ dœ gbɔgbɔ waa kœta rawa adœke: «Uzu ɗe dá li kœ'ɨ amendenœ, á kœkɔrɔ bukunœ a?»
3 Kashe uzu bale nene, œdœ ɓa lafo, œdœ ɓa pa shɔ, œdœ ɓa budu ɔshɔ, lili lima kœkɔrɔ bukunœ yeka á kœmesho ga la nœ nene.
4 Mœ kɨ lima waa tœ kœwu adœke uzu bale á tshe li kœkɔrɔ bukunœ, á kœmesho ga la nœ, gugu nene.
5 Kashe anga agbɔ gbozu bale lœ agbozu Ikrizianœ pa fœ mœ adœke: «Kɨkɨ nene! Mesho, bamara lœ mara nœ Yuda, ata gbozugo Davidi ropa azu kɔ. Tshe lii kœ'ɨ amende mindu dœ bisha asœmœ yé œ lii kœkɔrɔ bukunœ ye.»
6 Yé mœ wu aya Pata á tshe ka uguru ngande tshagbozunœ á œ œrœ vana á sœ dœ soro œdœ agbozu Ikrizianœ asœmœ sœ dji ɨndɨrɨ ye. Aya Patanœ sœ lima ɓata endje wo she ye. Tshe sœ lima dœ ɨdɨ ye mindu dœ bisha, dœ ala ye mindu dœ bisha á dœ ɨshirɨ nœ Ndjaba mindu dœ bisha á tshe vwa lima ga pa ɔshɔ kɔ.
7 Aya Patanœ na ndoo yé œ za bukunœ lœ kane kuni uzunœ á tshe sœ lima ga pa ngande tshagbozunœ.
8 Lɔkɔ á tshe za bukunœ, œrœ vana á sœ dœ soro œdœ agbozu Ikrizianœ zazu bale dœ vana (24) asœmœ gote ga utshu ye. Uzu dœ uzu sœ lima dœ kundi, dœ pe kopo á endje mbœrœ dœ ɔrœ á sú dœ yombo á dœ avwala nœ ayerœ azu.
9 Endje sœ lima kœɓi tafo itshi adœke:
10 Ɓœ fa endje tœ anganga Ndjaba tshelœ ogo gbozu tshebale
11 Mœ mesho, yé œ dji tshama aandjelu ndjoro. Endje sœ lima kutu dœ kutu kœropanœ yé œ ka dji ɨndɨrɨ ngande tshagbozunœ, dji ɨndɨrɨ œrœ á sœ dœ soro œdœ pe dji ɨndɨrɨ agbozu Ikrizianœ.
12 Endje sœ lima kœɓi itshi dœ agbɔ tshama adœke:
13 Mœ dji tshama œrœ kɔ á Ndjaba mbœrœ ɓa lafo, dœ œneke á tshe mbœrœ pa ɔshɔ, dœ œnœ tshabudu ɔshɔ, dœ œnœ tshalangu. Œrœ para á sœ zœ pa tshapashɔ, sœ lima kœɓi itshi adœke:
14 Œrœ vana á sœ dœ soro asœmœ pa lima adœke: «Ame!» Yé agbozu Ikrizianœ gote lima, œ donga Ndjaba.