1 O Yooba, nio leŋ uunu sa isaana som. Tana ŋgun talŋom pa bobi tio.
2 Nu rre koroŋ ta boozomen. Mi nu ute: Nio tomtom ndeeŋeŋoŋ.
3 Nu ute leleŋ kek.
4 Mi aŋkam mbulu sananŋana kembei ta zin wal pakan na som.
5 Aŋtoto zaala ku men.
6 Anutu, nu leŋleŋ suŋŋana tio. Tana aŋboobu be uulu yo.
7 Nu toto sua ku mbukŋana mi urur lelem pa wal ku. Tana swe muŋaiŋana ku, mi kam uraata bibip be uulu yo.
8 Nio na, itum koroŋ ku ŋonoono.
9 Pa koŋ koi bizin tiliu yo i.
10 Wal tana lelen imun kek.
11 Tito yo mi timar tise tio kek.
12 Zin kembei laion ta peteli mi irru ka buzur.
13 Yooba, maŋga lak! Muuŋgu pio mi koto koŋ koi bizin.
14 Zin na, tire koroŋ ki toono kembei koroŋ kizin ŋonoono kat. Swe mburom pizin, mi pun zin ma timap.
15 Mi nio nako aŋre motom. Pa nio tomtom ndeeŋeŋoŋ.