1 At laaleng limixin me Israel, nedi livipisik li at ne Jakop, diga vas kaxat boro Isip. Diga on basinge lara lubung mixin at lavapaase vetpes.
2 Nedi leme Juda diga ravasu ngan limixin kaala at ne Moroa, la nedi leme Israel diga ravasu bok ngan limixin tinotno ren.
3 At lavatpas atdi boro Isip, Loxontas Memele ga ven tangarang di la ga sonao, la ladan sen Joridan ga mes korop,
4 la lempattaavut digat los ngan lempatme, la lengkong kaana digat los ngan lempatnat sipsip.
5 Tila ba la nenu loxontas uga sonao, la tila ba la nenu ladan sen Joridan uga mes korop?
6 La tila nemi bok lempattaavut migat los ngan laxanme, la nemi lengkong kaana migat los ngan lempatnat sipsip?
7 Lavatkangka axap, una dede at lovotpot at Leeme Silok, atla ne Moroa at ne Jakop naba ru asaxaven.
8 Ni ga lok das asu ladan sen boro xeneng at lavaruat, la lengkodan ga puuvut das su at lempat buang uat.