1 Leemi asu ri Leeme Silok.
2 I lox avukat do limixin dina emi asu mi laasen teren mo, la at levenaleng axap i tu melamgo.
3 Limixin axap boro at lavanuet mera manman at na lavatbung menemen, mina emi asu mi Leeme Silok.
4 Leeme Silok mun im gomgonga larabung mixin axap, la lisisixam teren i lox avukat aleng ti lempanga rovana at lamavangkap.
5 Kopmen tara i lok ngan Leeme Silok ne Moroa atdik, neni mo it kis tovana at loxonin orong teren pana.
6 La mo ik milik si ukopok ti reven lamavangkap mi lavatkangka.
7 Neni ik lox axatu nedi luvuttadi banbalo basinge laxakup la iram tebeng luvuttadi pakpakes basinge laxakup at lempat balangkao.
8 La irak lox asilok nedi kusu dina etangas eburu mi lavanarong at loorong, nedi di silok kantubu at limixin teren.
9 Neni ik lox amenemen lodoxoma at lavakin kopmen dina pisik, la im taba nedi mi laxamdak mi laxaalik.