1 Mukunga ya mfumu ya miyimbidi,
2 Mu ke kembila Yave na ntima ya munu nyonso.
3 Na nge mu ke yangalala, mu ke dumuka na kilengi.
4 Ntangu bambeni ya munu ke vutukaka manima,
5 Ya tsyelika, nge me nwanina munu, nge me talisa ludedomo ya munu.
6 Nge ke kebisaka bantu ya bayinsi ya nkaka, nge ke kufwaka muntu ya yimbi,
7 Bambeni kele dyaka ve! Kaka mwangusulu ya mankululu.
8 Kasi Yave ke yalaka ya mankululu,
9 Ni yandi ke fundisaka yinza na ludedomo,
10 Bika ti Yave kuvwanda kiswamunu samu na muntu yina ba ke na kukwamisa.
11 Bika ti bantu kutula kivuvu ya bawu na nge,
12 Beno yimbidila Yave, yandi yina ke zingaka na Siyone!
13 Yandi ke futisaka bayina ke tangisaka menga ya bantu.
14 Yave fwila munu kyadi, tala mpasi yina bambeni ke na kutalisa munu,
15 samu ti mu yimbila nge dyaka mikunga ya nzitusu,
16 Bantu ya bayinsi ya nkaka ke na kubwa na kati ya mabulu yina bawu mosi timunaka,
17 Yave ke salaka ti bantu kuzaba yandi, yandi ke salaka na mutindu ya kufwanakana.
18 Bika ti bantu ya yimbi kukwenda na yinsi ya bantu ya kufwa,
19 Kasi Nzambi ke zimbanaka ve mputu bantangu nyonso.
20 Yave, telama! Kubika ve ti muntu kununga!
21 Yave, sala ti bawu kuvwanda na boma ya kulutila!