1 Mukunga ya bana ya Kole. Mukunga yina ba twadisaka na mfumu ya miyimbidi. Ba ke yimbilaka yawu na muningu ya dituutu. Mukunga ya Yemane, mu-Ezelayi.
2 Yave Nzambi, Muvuukisi ya munu,
3 Bika ti lusambulu ya munu kukuma tii na sika ya nge,
4 Ya tsyelika, mu me yukuta bampasi,
5 Ba ke na kutanga munu na nkonga ya bantu yina ke na kukwenda na yinsi ya bafwa,
6 Ba me tanda munu na kati ya bantu ya kufwa,
7 Nge me losa munu na yisi ya dibulu ya yinda, yina kele ve na nsuka,
8 Nkele ya nge me bwidila munu,
9 Nge me sala ti bantu yina mu zaba kukwenda ntama na munu.
10 Meso ya munu ke na kufwa samu na mpasi.
11 Ni na bantu ya kufwa nge ke sadila mambu ya ngitukulu?
12 Ba lenda zonzila bumbote ya nge na kati ya ndyamu?
13 Na kisika ya kitombe, ba zaba mambu ya nge ya ngitukulu?
14 Kasi munu, ni nge Yave mu ke bokilaka samu na kusadisa munu.
15 Yave, samu na yinki nge ke na kumanga munu?
16 Mu kele muntu ya mpasi mpe ya kulemba katuka buntwenya ya munu!
17 Tiya ya nkele ya nge me luta na zulu ya munu,
18 Bilumbu nyonso, nkele ya nge ya kulutila me zunga munu mutindu maza,
19 Nge me sala ti bantu yina kele pene-pene na munu,