1 Mukunga ya mfumu ya miyimbidi,
2 Yave, fungula makutu na kuwa mambu ya munu,
3 Ntinu ya munu, Nzambi ya munu,
4 Yave, na suka, nge ke kuwaka ndinga ya munu.
5 Ya tsyelika, nge kele Nzambi yina ke zolaka ve yimbi.
6 Bantu ya lunangu lenda talana ve na ntadisi ya nge.
7 Yave, nge ke kufwaka bantu ya luvunu.
8 Kasi munu, na kukwikama ya nge ya nene-nene, mu ke kotaka na Yinzo ya nge.
9 Yave twadisa munu na ludedomo ya nge, samu na bambeni ya munu.
10 Ya tsyelika, ata dyambu ya butsyelika ke basikaka na bayinwa ya bawu.
11 Nzambi, futisa bawu yimbi ya bawu.
12 Na yina, bayina nyonso ke kuzwaka kiswamunu na sika ya nge ke yangalala.
13 Nge Yave, nge ke sakumunaka muntu ya kudedama.