1 Beno yimbila samu na Yave, beno bokila Nkumbu ya yandi!
2 Beno yimbila samu na yandi, beno yimbila mikunga samu na yandi!
3 Beno tala kilengi na Nkumbu ya yandi ya longo!
4 Beno sosa Yave mpe ngolo ya yandi,
5 Beno bambuka moyo na mambu ya ngitukulu yina yandi me sala,
6 beno bana ya Abalayami, kisyelo ya yandi.
7 Ni Yave kele Nzambi ya beto.
8 Yandi ke bambukaka moyo bantangu nyonso na ngwisani ya yandi,
9 na ngwisani yina yandi salaka na Abalayami,
10 yandi salaka yawu mutindu bansalulu ya misiku samu na Yakobi,
11 ntangu yandi tubaka:
12 Na ntangu yina, bawu vwandaka kaka mwa ndambu ya bantu,
13 Bawu vwandaka kwenda luta yinsi na yinsi,
14 Kasi Yave bikaka ve ti muntu kukwamisa bawu,
15 «Beno meka ve na kusimba bantu ya munu yina mu soolaka na kudukula mafuta,
16 Nzambi salaka ti nsatu kukota na yinsi,
17 Yandi fidisaka ntete Yosefi na mantwala ya bawu,
18 Ba kangaka makulu ya yandi na mpanga,
19 mwa ntangu lutaka tii na ntangu yina mambu yina yandi tubaka kwizaka salama,
20 Ntinu pesaka muswa ya kubika yandi,
21 Yandi tulaka Yosefi mfumu ya yinzo ya yandi,
22 Yosefi lwengisa bantu ya mfunu, mutindu yandi vwandaka zola,
23 Na yina, Isayeli kwendaka na Ngipiti,
24 Nzambi salaka ti bantu ya yandi kubutana mingi,
25 Nzambi sobaka bantima ya bantu ya Ngipiti mpe bawu kwizaka yina bantu ya yandi,
26 Na yina, yandi fidisaka na sika ya bawu, Moyize kisyelo ya yandi,
27 Bawu salaka bimangu kuna na Ngipiti,
28 Nzambi fidisaka kitombe mpe mpimpa kumaka,
29 Yandi sobaka maza ya bawu na menga,
30 Yinsi ya bawu fulukaka na bampangu,
31 Yandi tubaka, mpe banzinzi yina ke tatikaka basikaka,
32 Na kisika ya mvula, yandi nokisilaka bawu mvula ya matadi,
33 Yandi mwangisaka bilanga ya bawu ya bayinti ya vinu na ya bayinti ya fike,
34 Yandi tubaka mpe makonko na bakoko-mbele basikaka,
35 Yawu kudyaka matiti nyonso ya yinsi ya bawu,
36 Nzambi salaka ti bana nyonso ya ntete ya yinsi ya Ngipiti kufwa,
37 Yandi salaka ti bantu ya yandi kubasika na Ngipiti na wolo mpe palata,
38 Bantu ya Ngipiti yangalalaka na kutala kubasika ya bana ya Isayeli,
39 Na ntangu yandi yalumunaka dituti samu na kufuka bawu,
40 Bawu lombaka na Nzambi mpe Nzambi pesaka bawu bandeke,
41 Yandi fungulaka ditadi mpe maza basikaka,
42 Ya tsyelika, Nzambi bambukaka moyo na mambu ya yandi ya longo
43 Yandi basisaka bantu ya yandi na nsayi ya kulutila,
44 Yandi pesaka bawu bayinsi ya bantu ya nkaka,
45 samu ti bawu kusadila bansalulu ya misiku ya Yave