1 Mwana ya munu, kana nge ndima mambu ya munu,
2 kana nge teka makutu ya nge na kuwa mambu ya ndwenga,
3 ya tsyelika, kana nge bokila mayela,
4 kana nge sosa yawu mutindu mbongo,
5 na yina, nge ke zaba yinki zola kutuba kuzitisa Yave.
6 Samu ti Yave ke pesaka ndwenga,
7 Yandi ke kubikaka lusalusu ya yandi
8 Yandi ke sadisaka bayina kele na ndyatulu ya kusungama,
9 Na yina, nge ke bakula yinki kele kutambula na ludedomo,
10 Na yina, ndwenga ke kota na ntima ya nge,
11 Mayindu ya mbote ke keba nge,
12 Yawu ke kabikisa nge na kusala yimbi,
13 Yawu ke keba nge mpe na bayina me bika na kulanda nzila ya kusungama,
14 Bawu ke sakanaka na yimbi,
15 Bawu kele na ndyatulu ya kutengama,
16 Na yina, nge ke kangama ve na kento ya ngana,
17 kento yina bikaka bakala ya yandi ya buntwenya,
18 Samu ti kento ya mutindu yina, mvwandulu ya yandi ke na kubwisa yandi na lufwa,
19 Konso bakala yina ke kwendaka na sika ya yandi ke vutukaka dyaka ve,
20 Na yina, nge ke tambula na banzila ya bantu ya mbote,
21 Samu ti bantu ya kusungama ke zinga na yinsi,
22 Kasi bantu ya yimbi ba ke katula bawu na yinsi,