1 Mu ke na kuzola dyaka ve luzingu ya munu,
2 Mu ke tuba na Nzambi: Kutala munu ve mutindu muntu me sala yimbi!
3 Nge ke na kutala mbote na kutalisa munu mpasi?
4 Nge ke na meso ya kimuntu?
5 Luzingu ya nge mpe kele nkufi mutindu luzingu ya muntu yina ke kufwaka?
6 Samu ti nge kusosa na kuzaba yimbi yina mu me sala?
7 Nge zaba mbote ti mu me sala ve yimbi,
8 Nge yidikaka munu na maboko ya nge,
9 Mulemvo ya nge, bambuka moyo ti, nge yidikaka munu na kibuma.
10 Mutindu ba ke bumbaka miliki na kati ya mbungu samu ti yawu kukangama,
11 Nge fukaka munu na musuni mpe na mpusu.
12 Nge pesaka munu luzingu mpe ngolo,
13 Nge vwandaka bumba mansweki na ntima ya nge,
14 Kana mu ke salaka masumu, nge ke talaka munu,
15 Kana mu salaka yimbi, kyadi na munu!
16 Kana mu vumbula yintu, nge ke landa munu mutindu nkosi,
17 Nge ke na kufidisa munu kaka bampasi na bampasi,
18 Samu na yinki nge basisaka munu na kivumu ya mama ya munu?
19 Mu zolaka vwanda mutindu muntu yina me zingaka ntete ve,
20 Bilumbu ya luzingu ya munu kele kaka ndambu ve? Yandi bika munu!
21 ntete mu kukwenda na kisika yina ba ke vutukaka ve,
22 yinsi ya kufuluka na kitombe, kisika kele mpimpa ya kulutila,