1 Moyize na bana ya Isayeli yimbilaka Yave mukunga.
2 Ngolo ya munu ni Yave,
3 Yave kele muntu ya bamvita,
4 Bapusu-pusu ya mvita ya Falawo,
5 Maza ya nene me fuka bawu.
6 Yave, diboko ya nge ya lubakala kele ya lulendo.
7 Na bunene ya nge ya kulutila
8 Na ngolo ya mupepe ya nge,
9 Mbeni tubaka:
10 Nge fulaka mupepe ya nge,
11 Nani na kati ya binzambi-nzambi kele mutindu nge, Yave?
12 Nge me lambula diboko ya nge ya lubakala,
13 Na kukwikama nyonso,
14 Bantu ya bayinsi ya nkaka me kuwa.
15 Bamfumu ya Edome me kufwa na boma.
16 Boma mpe nsisi me kuzwa bawu.
17 Nge ke nata bawu, nge ke tula bawu na mongo,
18 Yave, nge ke yalaka seko,
19 Ntangu bampunda ya Falawo, ntinu ya Ngipiti, bapusu-pusu ya yandi ya mvita na bayina ke kwendaka na kati ya yawu, bawu kotaka na mubu, Yave vutulaka maza ya mubu na zulu ya bawu. Kasi bana ya Isayeli vwandaka me tambula na ntoto ya kuyuma na kati-kati ya mubu.
20 Mumbikudi Milyame, kibusi ya Aloni bakaka ngoma ya fyoti. Yandi vwandaka sika ngoma mpe vwandaka bina. Bakento nyonso salaka mutindu yandi.
21 Na kati ya mukunga, Milyame vutulaka na bawu mutindu yayi:
22 Moyize twadisaka bantu ya Isayeli. Bawu katukaka na Mubu ya Batwandu mpe bawu bakaka nzila yina ke kwendaka na yinsi ya kuyuma yina ba ke bokilaka Sule. Bawu tambulaka bilumbu tatu na yinsi ya kuyuma ata kutala maza.
23 Bawu kumaka na Mala, kisika mosi yina vwandaka na maza. Kasi bawu lendaka ve na kunwa maza yango, samu ti yawu vwandaka ndudi. Ni yawu yina, ba ke bokilaka yawu Mala. Yawu zola kutuba: «Ndudi.»
24 Bantu ya Isayeli bandaka na kuvunguta. Bawu yufulaka Moyize: «Yinki kwandi beto ke kunwa?»
25 Moyize sambilaka Yave mpe Yave lakisaka yandi yinti mosi. Moyize bakaka yinti yango, yandi losaka yawu na maza mpe maza kumaka ya mbote.
26 Yandi tubaka: «Kana beno tumama na ndinga ya Yave, Nzambi ya beno, kana beno sadila ludedomo na meso ya yandi, kana beno tula dikutu ya beno na kuwa misiku, kana beno zitisa bansalulu ya misiku ya yandi, mu ke fidisa beno ve ata kimbemvo mosi na bimbemvo yina mu fidisaka na bantu ya Ngipiti, samu ti ni munu Yave ke nyakisaka beno.»
27 Na manima, bantu ya Isayeli kumaka na kisika yina ba ke bokilaka Elime. Ya vwandaka kuna na bamwila kumi na zole mpe makumi nsambwadi ya maba. Ni kuna bantu ya Isayeli salaka kivwandu ya bawu, pene-pene ya maza.