1 ፆኦሲዮ! ታና ዓውሴ፤
2 ቶኪ ዔቃ ቤሲባኣ ዔቴ ቶኦጶይዳ
3 ዒላቲና ታ ላቤኔ፤
4 ታኣኒ ማዼ ባኣዚባኣንቴ ታና ዒፃ ዓሳ
5 ፆኦሲዮ! ኔኤኒ ታኣኮ ዔኤያቶ ዔራኔ፤
6 ቢያ ባኮ ዎይሣ ጎዳሢዮ!
7 ኔ ጋይቴ ጌዒ ጫሺ ታ ጊቤኔ፤
8 ታ ጌርሲንሢም ዓዳ ፃንጎ ዓሲጉዲ
9 ኔ ማኣሮ ዛሎ ባካ ታና ሻላኔ፤
10 ሼምፓሢ ታኣኮ ታ ሙዖ ሃሾ ዳምቦና ሜታሴኔ፤
11 ሲዮ ፓቲሎ ታ ማይንቴ ዎዶና
12 ዲሮ ካራ ዴዓ ዓሶም ጌኤሲ ጌስቶያ
13 ናንጊና ናንጋ ጎዳሢዮ!
14 ቶኦጳሢዳፓ ታና ኬሴ፤
15 ዲጳ ኩሚ ዔኪ ታና ዓኣዾፓ፤
16 ናንጊና ናንጋ ጎዳሢዮ! ማኣሪፃ ኔኤኮ ሚርጌ ማዔሢሮ
17 ታና ኔ ዓይላሢዳፓ ዓኣፖ ኔኤሲ ሺርሺፖ፤
18 ታ ባንሢ ሙኪጋፓ ታና ዓውሴ፤
19 ታና ሄሌ ጫዦንታ ቦርሲንቶንታ
20 ጫዣ ዒኖ ታኣኮ ሜንሤኔ፤
21 ዔያታ ሙዖ ታኣኮ ጪሼና ሲኢሬኔ፤
22 ዔያቶም ሺኢሾና ካፃ ፒሮ ዔያቶም ማዖንጎ፤
23 ዓኣፓ ዔያቶሲ ዛጉዋጉዲ ዹሞንጎ፤
24 ዱማ ዱማ ኔኤኮ ዎዻ ባኮ ዔያቶ ዑፃ ኬይሴ፤
25 ጉርዳ ዔያቶሲ ዳውሌ ማዖንጎ፤
26 ኔ ጳርቄ ዓሶ ዔያታ ዳውሴኔ፤
27 ዻቢንቶይዳ ዔያቶኮ ዻቢንቲ ቃሴ፤
28 ናንጎ ማፃኣፓፓ ዔያታ ቃኣጪንቶንጎ፤
29 ጋዓንቴ ታኣኒ ሜቶ ዋኣዪሢዳ ዓኣኔ፤
30 ፆኦሲኮ ሱንፆ ጋላቲሢና ታ ዓይናዻንዳኔ፤
31 ዬይያ ጌማይዳፓ ባሼ
32 ማንቆ ዓሳ ዬያ ዛጋዖ ዎዛዻንዳኔ፤
33 ናንጊና ናንጋ ጎዳ ሜታዼ ዓሶኮ ዒላቶ ዋይዛኔ፤
34 ጫሪንጮንታ ሳዖንታ ባዞንታ
35 ፆኦሲ ፂዮኔ ዓውሳንዳኔ፤
36 ዒዛ ዓይሎ ዜርፃ ዬኖ ዻካላንዳኔ፤