1 ዋይዙዋቴ! ዔራቶ ዔኤሊንታኔ፤
2 ጎይፆ ኮይላ ዓኣ ጌሜሮና
3 ካታሞ ጌሎ ካራ ዔቂ ሂዚ ጌይ ዒዛ ዔኤሊንታኔ፦
4 «ዓሲዮቴ! ዒንሢና ቢያ ታ ዔኤላኔ፤
5 ዒንሢ ዔራቶባኣ ዓሳ፥ ዔራቶ ዴንቃኒ ኮዑዋቴ፤
6 ታ ዒንሢም ኬኤዛ ዼኤፒ ባኣዚ ዓኣሢሮ ዋይዙዋቴ፤
7 ታኣኒ ጎኔ ማዔ ባኣዚ ኬኤዛኔ፤
8 ታኣኒ ኬኤዛ ባካ ቢያ ጎኔኬ፤
9 ማሊ ጶቂሥሢ ዓኣ ዓሲም ቢያ ባካ ፔጋኣኬ፤
10 ቢራይዳፓ ባሼ ታ ዞሮ ዶኦሩዋቴ፤
11 «ታኣኒ፥ ዔራቶ ሚዛጶ ሹጫፓ ባሼ ማዔሢሮ
12 ታና፥ ዔራቶኮ ማሊ ጶቂሥሢ ዓኣኔ፤
13 ፑርታ ባኣዚ ዒፂሢ ናንጊና ናንጋ ጎዳ ዒጊጪሢኬ፤
14 ዞሮና ኮሺ ዔራቶና ታጊዳፓ ጴዻኔ፤
15 ታ ዎልቄና ካኣታ ዎይሣኔ፤
16 ታ ማኣዴም ሱኡጋ ዎይሣኔ፤
17 ታኣኒ ታና ናሽካዞንሢ ናናሽካኔ፤
18 ዖርጎቹሞና ቦንቾና ታ ኮይላ ዓኣኔ፤
19 ታጊዳፓ ዒንሢ ዴንቃ ባካ፦
20 ታ ጎይፃ ፂሉሞ ጎይሢኬ፤
21 ታና ናሽካዞንሢም ቆሎ ታ ዒንጋንዳኔ፤
22 «ናንጊና ናንጋ ጎዳ ቢያ ባኣዚኮ ቤርታ ታና ማዤኔ፤
23 ሳዓ ማዢንታንዳሢኮ ቤርታ
24 ዓልቃ ዋኣፃ ዓልቃንዳሢኮ
25 ዹኮና ጌሜሮና ማዢንታንዳሢኮ ቤርታ ታ ሾይንቴኔ።
26 ፆኦሲ ሳዖ ቢያ ማዣንዳሢኮ ቤርታ
27 ናንጊና ናንጋ ጎዳ ጫሪንጮ ዼጊዲ ሚጬ ዎዶና
28 ሻኣሮ ሳዖኮ ዑፃ ጉሮ ቤዛ ዒ ጌሤ ዎዶና
29 ባዞ ዋኣፃ ዔያቶም ጌይንቴ ቤዛፓ ዑሣ
30 ዒማና ታኣኒ ዔርቴ ማዻ ዓሲ ማዒ ዒዛና ዎላ ዓኣኔ፤
31 ዒዚ ማዤ ዓጮሮ ታ ዎዛዻኔ፤
32 «ታ ናይዮቴ! ዋይዙዋቴ፤
33 ታ ዞራ ዞሮ ማሊ ጶቂሡዋቴ፤
34 ታኣም ዋይዛሢ
35 ታና ዴንቃሢ፥ ሼምፖ ዴንቃኔ፤
36 ታና ዴንቁዋ ዓቴሢ ፔጊዳ ሜቶ ዔኪ ዬዓኔ፤