1 ዔሊሁ ሃሣ ጌስታዖ፦
2 «ፆኦሲ ዛላ ባኣዚ ታ ኬኤዛንዳ ሃጊ ሜሌ ባኣዚ ዓኣሢሮ
3 ታኣኒ ዔሬ ዔራታ ሃያኬ ጌይንቱዋኣያኬ፤
4 ጌኤዛ ታኣኮ ሉኡዚቱዋኣሢ ጎናሲ ዔሬ፤
5 «ጎኔና ፆኦሲ ዼኤፒኬ፤
6 ዒዚ ፑርቶ ዓሶ ሼምፔና ጌሡዋኣሴ፤
7 ፆኦሲ ኮዦ ዓሶ ካፓኔ፤
8 ጋዓንቴ ዓሲ ካኒ ቢራታና ቱኡቴቴ
9 ዔያታ ፔኤኮ ዖቶርሙሞና ማዼ ጎሞ
10 ዔያታ ዞሮ ዋይዛንዳጉዲ ዋዮ ዔያቶኮ ዒ ቡላኔ፤
11 ፆኦሲም ዔያታ ዓይሢንቲ ዒዛም ዔያታ ማዼቴ
12 ዒዛም ዔያታ ዋይዚባኣቴ ጬንቻ ዓፓሮና ዔያታ ባይቃንዳኔ፤
13 «ፔኤኮ ዒኖና ‹ፆኦሲ ኑ ዔሩዋሴ› ጋዓ ዓሳ
14 ዞኦስካ ኮኦሚፆና ቦርሲሳ ናንጊ ዔያታ ናንጋሢሮ
15 ፆኦሲ ዋኣዪንቲሢዳ ዓኣ ዓሶ ዋኣዪፆፓ ዓውሳኔ።
16 «ሃሢ ፆኦሲ ማላ ማሊፃ
17 ሃሢ ዻቢንቴ ዓሲም ዎጊንታ ዎጌ ኔጊዳ ዎጊንቴሢሮ
18 ዓይጎ ዓሲያ ቆሎ ሚርጉሞና ኔና ዻቢሱዋጉዲ
19 ኔኤኮ ቆሎና ቢታንቶና ዎዚዒ ዼጌ ማዔቴያ
20 ዴራ ፔኤኮ ዓኣ ቤዛፓ ባይቃንዳ
21 ፑርታ ባኣዚ ኔ ማዻሢዳፓ ሜታዺ ኔኤኮ ዋኣዪንቲፃ ኮሺኬ፤
22 ፆኦሲኮ ዎልቃ ዎዚጉዲ ዼኤፒታቴ ማሊ ጶቂሤ፤
23 ‹ሃያይዴ› ጌይ ዒዛ ዓይሣይ
24 ዓሳ ቢያ ዎዴ ዒ ማዼ ማዾሮ
25 ፆኦሲኮ ማዾ ዓሲ ዜርሢ ቢያ ዛጌኔ፤
26 ዒዛኮ ዼኤፑሞ ዖኦጪ ኑ ዔራኒ ዳንዳዑዋኣሴ፤
27 «ፆኦሲ ባዞ ዋኣፆ ሱኡሌና ሌካ ዔቂሳኔ፤
28 ሻኣሮይዳፓ ዒራ ዲጲጉዲ ዎታኔ፤
29 ያዺ ማዔቴያ ፆኦሲ ሻኣሮ ዎማይዲ ላይሣቴያ
30 ፆኦሲ ዔቶ ባዞ ካንቂ
31 ዬያይዲ ፆኦሲ ዴሮ ዎይሣኔ፤
32 ዜኤሊንፆ ፔ ኩጮና ዒ ዓርቃኔ፤
33 ጉጉንሢ ዼኤፒ ዒርዚ ዬዓሢ ዔርዛኔ፤