1 ባብሎኔ ካኣቲ ናብካዳናፆኦሬ ዲዒ ዔኪ ባብሎኔ ዓኣዼ ዓሶይዳፓ ፔኤኮ ካታሞ ካታሞ፥ ዬሩሳላሜና ዪሁዳና ማዒ ሙኬ ዓሶኮ ፓይዳ ያዺኬ፦
2 ዬያቶ ዲዒንታፓ ማዔ ዓሶኮ ሱኡጎ ማዒ ዔኪ ሙኬ ዓሳ ዜሬባቡሌ፥ ዒያሱ፥ ኔሄሚያ፥ ሴራያ፥ ሬዔላያ፥ ሜርዴኪዮሴ፥ ቢልሻኔ፥ ሚስፓሬ፥ ቢግዋዬ፥ ሬሁሜንታ ቤዓና ጌይንታዞንሢኬ። ፔቴ ፔቴ ዒስራዔኤሌ ዓሶ ቶኦካፓ ቡኪንቲ ዓጮ ባንሢ ማዔ ዓሶኮ ፓይዳ ሃካፓ ዴማ ዓኣ ጎይፆኬ፦
58 ጌኤዦ ማኣሮ ማዾም ኬሶና ፃጶና ሴሎሞኔም ማዻ ዓሶ ዜርፃ ዎሊ ዑፃ ሃይሦ ፄኤታና ታዞጲታሚ ላምዖ ዓሲኬ።
63 ዑሪሜና ቱሚሜ ጎዖ ባኮንሢና ናንጊና ናንጋ ጎዳ ዓይጎ ጋዓቴያ ዖኦጫኒ ዳንዳዓ ቄኤሴ ኬስካንዳያ ሄላንዳኣና ፆኦሲም ሺኢሺንታ ዱማዼ ሙዖ ዔያታ ሙዑዋጉዲ ዓጮ ዎይሣ ዓሢ ዔያቶ ላኣጌኔ።
68 ዬና ዲዒንቴ ዓሳ ዲዒንታፓ ማዒ ዬሩሳላሜይዳ ናንጊና ናንጋ ጎዳኮ ጌኤዦ ማኣራ ዓኣ ቤዞ ሄላዛ ፔቴ ፔቴ ማኣሮ ዓሶኮ ሱኡጋ ጌኤዦ ማኣራ ቤርታ ዓኣ ቤዛ ማዓንዳጉዲ ላሚ ጊንሣ ማዢፆም ማዓንዳያ ፔ ሼኔና ዒንጎ ባኣዚ ዔኪ ሺኢሼኔ።
69 ዔያታ ጌኤዦ ማኣሮ ማዾ ማዾንዶ ባኣዚ ዳንዳዓ ጎይፆና ኬሲ ቡኩሴ ዒንጊፃ ዎሊ ዑፃ ማሆዛ ዶንጎ ፄኤታ ኪሎ ዎርቄ፥ ላምዖ ሺያና ላንካይ ፄኤታና ሳሊታሚ ላሆ ኪሎ ቢራ ማዔኔ፤ ቄኤሶም ማዓያ ፄኤታ ማኣዖ ዔያታ ዒንጌኔ።
70 ቄኤሶንታ ሌዊ ዓሶንታ ዴሮይዳፓኣ ፔቴ ፔቴ ዓሳ ዬሩሳላሜና ኮይሎናይዳ ዱንኪ ዴዔኔ፤ ጊንሣ ሃሣ ዓይኑሞ ዓይናዻ ዓሳ፥ ጌኤዦ ማኣሮ ካፓ ዓሶንታ ጌኤዦ ማኣሮ ሹጮና ማዣንዳጉዲ ጌይንቴ ማዾ ዓሶንታ ኮይላ ኮይላ ዓኣ ካታማ ዴዔኔ፤ ዬያጉዲ ሃንጎ ዒስራዔኤሌ ዓሳ ዔያቶኮ ቤርታኣ ዓዶንሢ ናንጌ ካታማ ዴዔኔ።