1 ሃካፓ ዴማ ዓኣዞንሢ ዒስራዔኤሌ ዓሶኮ ማኣሮ ዓሶ ሱኡጎንታ ዱማ ዱማ ቶኦኮ ዎይሣ ዓሶንታ፤ ዬያጉዲ ሃሣ ካኣቲኮ ማዾ ማዻ ቢታንታ ዓኣ ዓሶኮ ሱንፃ ዎሊ ሄሊ ፃኣፒንቴኔ፤ ዬይያ፦ ሌዖ ጋራ ዓኣ ፔቴ ፔቴ ዓጊኖይዳ ላማታሚ ዖይዶ ሺያ ዓሲ ዎሊ ዑፃ ማዒ ማዻንዳጉዲ ፓቂንቴያ ማዓዛ ዬያ ዱማ ዱማ ፓቂንቴ ዓሶኮ ሱኡጌ ዓኣኔ።
23 ናንጊና ናንጋ ጎዳ፦ «ታኣኒ ዒስራዔኤሌ ዴሮ ጫሪንጮ ዦኦጋሢጉዲ ሚርጊሻንዳኔ» ጌዒ ኬኤዜ ሃጊ ማዓንዳ ዎዞ ቃኣሎጉዲ ካኣቲ፥ ዳውቴ ሌዓ ላማታሚ ማዔያና ዬካፓ ዴማ ማዔ ዓሶ ፓይዳ ዎዶና ዎላ ፓይዲባኣሴ፤
24 ፄሩያ ናኣዚ፥ ዒዮዓቤ ዴሮ ፓይዲ ጋፒሱዋዖ ጎይፃ ሃሼኔ፤ ፆኦሲ ዬያ ፓይዲፆሮ ዻጋዺ ዒስራዔኤሌ ዴሮይዳ ሃይቢ ሄሊሴሢሮ ዬይ ፓይዳ ካኣቲ ዳውቴ ሃይሳ ፃኣፒንታ ማዝጋባ ፃኣፒንቲባኣሴ።
32 ካኣቲ ዳውቴኮ ዓቤ፥ ዮናታኣኔ ዞሮና ጪንጫ ሃሣ ዔራ ዓሲኬ፤ ዒዛና ሃኪሞኔ ናኣዚ ዪሂዔኤሌና ካኣቲኮ ናኣቶ ዔርዛዞንሢኬ፤
33 ዓኪፆፔሌ ካኣቲ ዞራ ዶንዛሢ ማዓዛ ዓርካይዳ ሾይንቴ፥ ሁሻዬ ካኣቲኮ ላጌኬ፤
34 ዓኪፆፔሌ ሃይቄስካፓ ዓቢያታሬና ቤናያ ናኣዚ፥ ዪሆያዳዔና ካኣቲ ዞራዞንሢ ማዔኔ፤ ዒዮዓቤ ካኣቲኮ ዖሎ ዓሶ ዓይሣ ሱኡጋሢ ማዔኔ።