1 Un mato Jesucristohuunoa tsain shara tapimai. Ahuun shunifoan aton anufo un mato yoiqui tau huai. Ahuun shuni David yafi Abraham.
2 Abraham facu Isaac ini.
3 Judápan facu Fares yafi Zara ini. Aton ahuari Tamar ini.
4 Aram facu Aminadab ini.
5 Salmón facu Booz ini. Ahuun ahuari Rahab ini.
6 Isaí facu David ini. Nan David Israelifoan aton niaifocoin ipaoni.
7 Salomón facu Roboam ini.
8 Asa facu Josafat ini.
9 Uzías facu Jotam ini.
10 Ezequías facu Manasés ini.
11 Josías facu Jeconías yafi ahuun yorafo ini.
12 Chipofin Babilonia anoashu futsafori cainni.
13 Zorobabel facu Abiud ini.
14 Azor facu Sadoc ini.
15 Eliud facu Eleazar ini.
16 Jacob facu José ini.
17 Abraham ahuun funafo catorce ahuun unutani David ini. David ahuun funafori catorce ahuun unutani Babilonia anoshon ato achinifo ato mai ano inonfo. Nanfoan ahuun funafori catorce ahuun unutani Cristo cainni.
18 Jesucristo cainfin iscaniquin. José María yoini, —Non fiananon, —ishon. Ascafia fiananfotaima María man facu nanua ini. José ayamafian Diosin Yoshin Sharapan nanumana.
19 Ascashon José Dios tanasharacoinshon ahuun chain ahuin rafini huacasmaquin yorafoan ointaifi yoicasmani.
20 Nanscara ahuun nomuranshon shinanfiaino ahuun namapan Diosin ahuun oinmatinin afu nai muran imisi aqui oshon yoiquin isca huani, —José minfin David funaquin. Ascacun shinanchacaquima María fihuu. Nan facu nanuafin Diosin Yoshin Sharapan nanumanaquin.
21 Ascan nan caianofin anuqui Jesusran min huashquicain. Nantonmain ahuun yorafo chaca soashofain ato numashquiamaiton, —ishon yoini.
22 Diosinhuunshon inon pacoai yoimisifoan cununifo cuscan man aaquin.
23 Nanfoan cunuquin isca huani,
24 Ascaino José moinacahuatan nan Diosin oinmatinin afu nai muran imisi yoia cuscan María fiini.
25 Fiifiashocai afu ipaonima furun caiyain chain. Ascashu furun caincun José anuqui Jesusran huani.