1 Uhuun yoramishtichin un mato cunu fomai man tapinon. Upa Diosin noco shunifo yoipaiyai cuscan ahuun tsain yoishomisifo yoiyopaoni ato tapimanonfo. Namapahuunshon ato yoifain namapan cuscarahuunshon ato yoifain ahuun nai oinmatihuunshon ato yoifain ahuun oicoinin ato yoipaoni.
2 Asca huapaonifiashu natian noco yoipaiyai cuscan Furunhuunshon noco yoia. Furunhuunshon nantifi nai murannoafo yafi mai anoafori onihuani. Furun catonni nantifi nai murannoafo yafi mai anoafoti ahuuna inon.
3 Nanton Apa Diosin cuscaracoin. Noco ismacoin ahuu cuscaramain Apa Diosiquin. Apa shara imisi cuscan arifi nanscaracoin. Furunmun ahuun tsainmansi ahuamamishti huatiroquin. Ascan ahuun curushhuunshon ahuun tsainmansi onihuafoti yonotiro afin apaiyai cuscan anonfo. Ahuun tsainmansi nantifi onihuafoti cushusharafafainmisi. Nanfin nocohuunoashu nani nocon chaca noco soashoshquin non a cuscara shara inon. Ascashu Apa ari cani a futan nantifi iquifafainshquin.
4 Afin Apa Dios ahuun Furuncoinquin. Oinmati afu nai muran icafocai Upa Diosin furuncoinfoma. Furun Apa Dios fu niaifocoin. Oinmatifocai ascarafoma. Ascan ato finoncoian.
5 Upa Diosin ahuun oinmati afu nai muran icafocai yoiqui,
6 Ascashon Furun mai ano nichini yoracoin inon ahuun oinmati nan afu nai muran icafo yoini isca huaquin,
7 Ascatan ahuun oinmati afu nai muran icafohuunoa yoiquin isca huani,
8 Ascashon Furu yoiquin isca huani,
9 Ascashon minfin ahuara shara fustisi noicoinquin. Ahuara chaca min noicasmai. Ascacufin Diosin, nanrifi min Diosin, nanton mia catonni. Mia unimama cuscacai tsoa futsan ascara mumisima. Mirus fustiton min nantifi finoncoian. Min ato Niaifocoinran,”
10 Afanan Upa Diosin Furun yoini,
11 Sahuuti chocanashucai afanan shara itiroma cuyotiro. Nanscarifiai nantifi maitio yafi nai murannoafori cuyoshcani. Ascafia mincai ascarama. Minfin ipanacaquin.
12 Sahuuti chocanacun potatirofo futsa funa fiishcaquin. Nanscarifiai maitio yafi nantifi nai murannoa afanan sharafocuma min ato cuyomatiro, afanan mai yafi nai fiananan huashquin afanan funa shara inonfo. Ascan mincai mai yafi nai cuscarama. Mincai fianananpacunacama. Nanscasi min apanacaran,”
13 Afanan Upan Diosin Furun yoiquin isca huani,
14 Ascano Upa Diosin nan ahuun oinmati afu nai muran icafo yononi noco cushusharanonfo. Ratoranfoan Jesús ifoancanashu afu ipatirofo. Diosin yononi nanfo ahuun oinmati afu nai muran icafoan ato cushusharanonfo.