1 Tbꞌajlinxiꞌ ikyjo, xi nkaꞌyiꞌn juntl angel, kyjaꞌtaq tkuꞌtz toj kyaꞌj tukꞌa nim tkawbꞌil, ex ante txꞌotxꞌ bꞌeꞌx qoptzꞌaj tukꞌa tqoptzꞌajiyil.
2 Ex tukꞌa tqꞌajqꞌojil twiꞌ, xi tqꞌmaꞌn kujxix wen:
3 Quꞌn tkyaqilxjal twutz txꞌotxꞌ ma txi kyqꞌon kyibꞌ toj kyꞌaꞌjin, tzeꞌnku tuꞌn kytxꞌujte tukꞌa tkyaqil kyachbꞌil, a kubꞌ bꞌinchit toj tnam anetziꞌn.
4 Ex xi nbꞌiꞌntla juntl tqꞌajqꞌojil twiꞌ tzaj toj kyaꞌj, ex tqꞌma:
5 Quꞌn atzin nim kyil nyakuj ma jaw chꞌuqit tzmax toj kyaꞌj. Ex ma tzaj tqꞌoj Dios tiꞌj kyil.
6 Kyqꞌonxa t-xel kyejo xjal aj Babilonia, tzeꞌnku ma tzaj kyqꞌoꞌn kye txqantl.
7 Kyqꞌonxa yajbꞌil, tuꞌn tikyꞌx kyuꞌn, tzeꞌnkuxjo otaq txi kyqꞌoꞌn kyibꞌ nej, tuꞌn kynimsin kyibꞌ, ex tuꞌn kytzeqin tiꞌj tkyaqil. Quꞌn ma kubꞌ kyximin toj kyanmin:
8 Tuꞌnpetziꞌn, toj jun qꞌij, ktzajil kyꞌixsbꞌajil kyiꞌj: Aye kyimin, yajbꞌil kyiꞌj ex waꞌyaj.
9 Ayetziꞌn nmaq kawil twutz txꞌotxꞌ, ayeꞌ ẍi kyꞌaꞌjin ex ẍi ten tojjo tzeqbꞌil kyukꞌa xjal toj tnam Babilonia, okxla kchi oqꞌil, ex kchi labꞌil tiꞌj, aj t-xi kykaꞌyin tsbꞌeljo tnam, aj tbꞌaj tuꞌn qꞌaqꞌ.
10 Ex okla kchi kyjel ten najchaq tuꞌn kyxobꞌil tiꞌjjo kawbꞌil, ex ok kyqꞌmaꞌ:
11 Ex ayetziꞌn kꞌayil twutz txꞌotxꞌ, ex okxla kchi oqꞌil, ex kchi labꞌil tiꞌjjo tnam lo, quꞌn mix aꞌl kxel laqꞌonte jniꞌ kykꞌaẍjil, a attaq:
12 Nim kyiqitz te qꞌanpwaq ex saqpwaq, tkyaqil wiq abꞌj ntzꞌiltzꞌin wen, tuꞌn tokx te kyuxjal, ex jniꞌ a wiꞌyil, a jatz toj ttxuyil aꞌ, a perlas tbꞌi, ex jniꞌ xbꞌalin tzꞌumin ex tbꞌanilx wen, ex seda, a ilaꞌ wiq kaꞌyin, tzeꞌnku kyaq, ex manyor wiꞌyilxix; ex nim kyiqitz te tzꞌlan tbꞌanilxix, ex kykyaqil wiq tiꞌ bꞌinchin tuꞌn tste ma tij txuk a tzajnin najchaq, ex tuꞌn tze tbꞌanil, ex tuꞌn qꞌankxbꞌil ex tuꞌn kxbꞌil; ex jniꞌ kyiqitz tbꞌanil abꞌj te bꞌinchbꞌil ja;
13 ex jniꞌ kyiqitz canela, ex tkyaqil wiq kꞌokꞌjsbꞌil, ex pon, ex jupsbꞌil, ex ilaꞌ wiq qꞌanbꞌil, ex qꞌeꞌn, ex aseyt, ex tukꞌax jarin cheꞌn wen, ex triy; ex ikyxjo tzaj kyiꞌn chej, a njax kyiqitz, ex rit, ex bꞌaꞌn chej, ex iqbꞌil qꞌinin, ex majqexpe tal xjal, tuꞌn kyxi kꞌayit, tuꞌn kyok te aqꞌnil te jun majx.
14 Ex kxel kyqꞌmaꞌn te tnam luꞌn:
15 Ex ayetziꞌn kꞌayil, a ma chi suqin tkyaqiljo lo, bꞌeꞌx i qꞌinimix tuꞌn tpwaqjo tnam lo, okla kchi kyjel ten najchaq tuꞌn kyxobꞌil tiꞌjjo kawbꞌil, ex okla kchi oqꞌil, ex ok kchi labꞌil,
16 ex okla kyqꞌmaꞌ:
17 Ex te jun paqx ma najjo qꞌinimil lo.
18 Ex aj t-xi kykaꞌyin tsbꞌeljo qꞌaqꞌ te yuchꞌbꞌil tiꞌjjo tnam, kxel kyẍchꞌiꞌn: ¿Ma attaqtzin juntl tnam attaq tzeꞌnku a nim tnam lo?
19 Ex jax kychtoꞌn quq tibꞌaj kywiꞌ te jun yekꞌbꞌil tiꞌjjo labꞌil, ex nchi oqꞌ, ex nchi jaw ẍchꞌin:
20 Me chi tzalajxa tiꞌjjo yuchꞌbꞌil tiꞌjjo tnam lo, ayiꞌy toj kyaꞌj: Ayiꞌy nimil, ex ayiꞌy tsanjil Jesús, ex jniꞌ yolil Tyol Dios.
21 Ex tzaj jun angel nim tipin, ex ja tiꞌn jun ma tij abꞌj, tzeꞌnku jun abꞌj te chebꞌl triy, ex jun paqx xi t-xoꞌn toj ttxuyil aꞌ, ex tqꞌma te tnam:
22 Ex nlayxla bꞌijte toja, ajo chnabꞌ arpa, ex xux, ex chun, nixpe alkye jun aqꞌnil.
23 Ex nlayxla kꞌantl tzaj toja.
24 Quꞌn tojjo tnam lo ma knetjo kychkyꞌeljo yolil Tyol Dios, junx kyukꞌa jniꞌ nimil, ex kykyaqiljo i kubꞌ bꞌyoꞌn twutz tkyaqil twutz txꞌotxꞌ.