1 “Donge dhano nigi tich matek e piny?
2 Mana kaka misumba ma gombo ni seche mag odhiambo ochop piyo,
3 e kaka an bende osemiya dweche maonge ohala
4 Ka adhi nindo to piny ok runa piyo kendo aparora ni abiro aa malo sa adi?
5 Denda kute gi adhonde opongʼo,
6 “Ndalo mar ngimana dhiyo mapiyo moloyo masind jachwe usi,
7 Yaye Nyasaye, parie kaka ngimana en mana muya nono;
8 Wenge makoro nena sani ok nochak onena kendo,
9 Mana kaka bor polo rumo mi lal nono,
10 Ok nodwogi e ode kendo;
11 “Emomiyo ok anyal lingʼ;
12 An nam, koso an ondiek nam
13 Ka aparo ni kitandana biro hoya
14 to eka pod ibwoga gi lek magalagala
15 momiyo koro daher mondo adera kendo atho,
16 Achayo ngimana; ok agomb kata medo bedo mangima.
17 “Yaye Nyasaye, dhano to en angʼo
18 koso angʼo momiyo isiko inone okinyi kokinyi
19 Yaye Nyasaye, bende diweye ngʼiya,
20 Yaye jarang ji-ni, kata bed ni asetimo richo,
21 Angʼo momiyo idagi ngʼwonona kuom ketho maga