1 Negikelo Sandug Muma mar Nyasaye mi gikete ei hema mane Daudi ogurone, bangʼe negitimo misengini miwangʼo pep kod misengini mag lalruok e nyim Nyasaye.
2 Kane Daudi osetieko chiwo misango miwangʼo pep kod misango mar lalruok, ne ogwedho jo-Israel ka oluongo nying Jehova Nyasaye.
3 Bangʼe ngʼato ka ngʼato ma ja-Israel, dhako kata dichwo nomiyo makati achiel, gi ringʼo mayom kod olembe motwo mongʼin.
4 Noyiero jo-Lawi moko mondo oti e nyim Sandug Muma mar Jehova Nyasaye, mondo olem kendo ogo erokamano ka gipako Jehova Nyasaye ma Nyasach Israel.
5 Asaf ne jatendgi, Zekaria jalupne, kiluwogi kod Jeyel, Shemiramoth, Jehiel, Matithia, Eliab, Benaya, Obed-Edom gi Jeyel mane jogo orutu gi nyatiti ka Asaf to ne dwongʼo ongengʼo
6 to Benaya kod Jahaziel ma jodolo to ne goyo turumbete e sa ka sa e nyim sanduk singruok mar Nyasaye.
7 Chiengʼno ema ne Daudi omiyo Asaf kod jowetene zaburini mar goyo erokamano ni Jehova Nyasaye kama:
8 Pakuru Jehova Nyasaye,
9 Werneuru, pakeuru gi wende,
10 Nyinge maler nigi duongʼ,
11 Ranguru Jehova Nyasaye gi tekone,
12 Paruru gik miwuoro mosetimo,
13 yaye, un nyikwa Israel jatichne,
14 En e Jehova Nyasaye ma Nyasachwa;
15 Oparo singruokne nyaka chiengʼ,
16 Singruok mane otimo gi Ibrahim,
17 Ne ogure ne Jakobo kaka chik,
18 Nowacho niya, “Anamiyi piny Kanaan kaka
19 Kane pod gin ji manok e kar rombgi,
20 ne giwuotho e kind ogendini mopogore,
21 Ne ok oyie mondo ngʼato osandgi,
22 “Kik umul joga ma awiro,
23 Weruru ne Jehova Nyasaye un ji duto modak e piny,
24 Huluru duongʼne e kind ogendini
25 Nimar Jehova Nyasaye duongʼ kendo owinjore gi pak;
26 Nikech nyiseche duto mag ogendini gin mana gik ma dhano oloso,
27 Duongʼ kod pak nitiere e nyime;
28 Pakuru Jehova Nyasaye, yaye ogendini manie piny,
29 Miuru Jehova Nyasaye duongʼ mowinjore gi nyinge.
30 Un ji duto manie piny, beduru gi e nyime!
31 Polo mondo obed moil,
32 Nam kod gik moko duto man e iye bende omor,
33 Bangʼe yiende manie bungu nower,
34 Gouru erokamano ne Jehova Nyasaye nikech ober;
35 Ywaguru niya, “Reswa aa Nyasaye ma Jawarwa,
36 Pakuru Jehova Nyasaye, ma Nyasach Israel
37 Daudi ne oweyo Asaf kod jotich kaachiel kode e nyim Sandug Singruok mar Jehova Nyasaye mondo giti kanyo ndalo duto mana kaka ne dwarore pile ka pile kendo odiechiengʼ ka odiechiengʼ.
38 Ne oweyo bende Obed-Edom kod jowetene piero auchiel gaboro mondo joti kodgi. Obed-Edom wuod Jeduthun to gi Hosa bende ne jorit rangeye.
39 Daudi noweyo Zadok jadolo kod jowetene ma jodolo e nyim hekalu mar Jehova Nyasaye e kama otingʼore gi malo man Gibeon,
40 mondo gichiwne Jehova Nyasaye misengini pile pile e kendo mar misango miwangʼo pep, gitim kamano okinyi kod odhiambo mana kaka ondikgi duto e Chik Jehova Nyasaye mano mi jo-Israel.
41 Kaachiel kodgi ne gin Heman gi Jeduthun kod joma moko manoyier kendo oluong gi nyingegi mondo gi dwokne Jehova Nyasaye erokamano, “nikech herane osiko manyaka chiengʼ.”
42 Heman kod Jeduthun to ne tijgi en goyo turumbete kod ongengʼo kod goyo thumbe mamoko mag wend Nyasaye. Yawuot Jeduthun to ne rito rangach.
43 Eka ji duto noa ka ngʼato ka ngʼato dok e dalane, kendo Daudi bende nodhi dalane mondo ogwedh joge.