1 Ĩfẽ ãwãꞌdĩfô Úpí ní, ãꞌdusĩku ĩꞌdi múké,
2 Ĩfẽ ãwãꞌdĩfô Ãdróŋá ãmbógó ru ãdroŋa kí drị̃lẹ́ gá rĩ ní,
3 Ĩfẽ ãwãꞌdĩfô Úpí ãmbógó ru ũpi kí drị̃lẹ́ gá rĩ ní,
4 Ĩfẽ ãwãꞌdĩfô ĩꞌdiní, ĩꞌdi lú tálí ũkpó rĩ kí idé rá la nĩ,
5 Ĩfẽ ãwãꞌdĩfô ꞌbá ꞌbụ̃ kí ũꞌbãlépi ũndũwã ãmbógó sĩ rĩ nî,
6 Ĩfẽ ãwãꞌdĩfô ꞌbá vũ ꞌbãlépi ị̃yị́ kị́rị́ rĩ ꞌbã drị̃ gá rĩ nî,
7 Ĩfẽ ãwãꞌdĩfô ꞌbá ị̃tụ́ kí ũꞌbãlépi ĩmbá be rĩ nî,
8 ꞌBã ị̃tụ̂ ꞌi ãngũ jilé ị̃tụ́ sĩ,
9 ꞌBã ĩmbâ ꞌi lẽlẽgó kí abe ãngũ jilé ị́nị́ sĩ,
10 Ĩfẽ ãwãꞌdĩfô Ãdróŋá ní ĩꞌdi ꞌbã ꞌbá kãjãní ãzíla ãnãkpá tịlé drị̃-drị̃ Mị̃sị́rị̃ drị̂ kí ụꞌdị́jó rĩ sĩ,
11 Anzé ꞌbá Ịsịrayị́lị̃ drị̂ kí angájó Mị̃sị́rị̃ gá rĩ sĩ,
12 Anzé kí drị́ ũkpó ĩꞌdidrị̂ sĩ ãzíla drị́ ĩꞌdi ꞌbã ajalé rĩ sĩ;
13 Ĩfẽ ãwãꞌdĩfô ꞌbá Mĩrĩ Ika rĩ awalépi ị̃rị̃ rĩ nî,
14 Ce ꞌbá Ịsịrayị́lị̃ drị̂ kí drị̃ ị̃yị́ ru awalépi rĩ agâ sĩ,
15 Ịmvụ́ úpí Mị̃sị́rị̃ drị̂ kí ãsĩkárĩ ĩꞌdidrị̂ kí abe Mĩrĩ Ika rĩ agá rá;
16 Ĩfẽ ãwãꞌdĩfô ꞌbá ꞌbá ĩꞌdidrị̂ kí drị̃ celépi kõtórõ agâ sĩ rĩ nî,
17 Ĩfẽ ãwãꞌdĩfô ꞌbá ũpi ũkpó-ũkpó ri kí ụꞌdị́lépi rĩ nî,
18 Ụꞌdị́ ũpi rụ́ kụlépi ambamba rĩ kí rá,
19 ꞌDị úpí Ãmọ́rị̃ ꞌbadrị́ Sị̃họ́nị̃ ꞌi rá,
20 ꞌDị úpí Bãsánĩ ꞌbadrị́ Ụ́gị̃ rá,
21 Fẽ ãngũ ĩꞌbadrị̂ ꞌbá ĩꞌdidrị̂ ꞌbaní ãwítã rú,
22 Fẽ ãngũ ꞌdã ãwítã rú ãtíꞌbó ĩꞌdidrị́ Ịsịrayị́lị̃ nî,
23 Ãvĩ ị́jọ́ ãma drị̃ gá sáwã ándrá ãma ndẽjó rá rĩ sĩ ku,
24 Apá ãma mẹ́rọ́ꞌbá ãmadrị̂ kí drị́gá rá,
25 Ĩꞌdi ꞌbá ãkónã fẽlépi ãko pírí ídri trũ rĩ ꞌbaní nĩ rĩ ꞌi,
26 Ĩfẽ ãwãꞌdĩfô Ãdróŋá ꞌbụ̃ gá rĩ nî,