1 Ándre bụ́kụ̃ tralé trã-trã rĩ ꞌbá rilépi úmvúke drị̃ gá rĩ ꞌbã drị́ ãndá gá rĩ gá, úsĩ wókõ la kí pírí rá ru, îbĩ tị la pâlé ázị̂rị̃.
2 Ãzíla ándre mãlãyíkã ũkpó trũ la ị́jọ́ uyú agá ụ́ꞌdụ́kọ́ ụrụgá sĩ rere, “Ãꞌdi icó bụ́kụ̃ tralé trã-trã tị ĩbĩlé cí ꞌdĩ tị nzị̃lé mgbọ nĩ yã?”
3 ꞌBá ãzí ịsụ́lé ꞌbụ̃ gâlé yã jõku ụ̃nọ́kụ́ drị̃ gá ꞌdâ la jõku ụ̃nọ́kụ́ ị̃ndụ́ gâlé icólépi bụ́kụ̃ ꞌdĩ tị nzị̃lépi mgbọ sĩ ala ndrejó la yụ.
4 Má awá ãzákírílí ru, ãꞌdusĩku ꞌbá ãzí ãlu ịsụ́lé icólépi bụ́kụ̃ ꞌdã tị nzị̃lépi, sĩ ị́jọ́ ala gá rĩ kí ndrejó la yụ.
5 ꞌBá ĩyõ rĩ ꞌbã ãzí ãlu rĩ jọ mání, “Mí awá ku, índre kẹ̃mị̃ sụ́rụ́ Yụ́dã drị̂ drị̃lẹ́ Dãwụ́dị̃ drị̂ agá ãmbógó sĩ ị́jọ́ pírí ndẽlépi rá rĩ, icó lú bụ́kụ̃ tị ĩbĩlé cí pâlé ázị̂rị̃ ꞌdĩ tị ụwị́jó, ãzíla nzị̃jó rá la nĩ.”
6 Índre Kãbĩlõmvá ní pá tu agá úmvúke gá ágágá, ãnãkpá sụ ꞌdã kí ꞌbá ĩyõ ꞌdã abe, ce kí ĩꞌdi aga rị́. Kãbĩlõmvá iꞌdá ándrá úꞌdị ꞌbã rĩ ĩꞌdi rá rĩ áni. Újé la kí ázị̂rị̃ ãzíla mịfị́ la kí ázị̂rị̃, ꞌdĩ kí mãlãyíkã Ãdróŋá ãni ázị̂rị̃ ĩꞌdiní tị ũpẽlé ụ̃nọ́kụ́ gâlé rĩ kî.
7 Mụ bụ́kụ̃ ꞌdã aꞌdụ́lé ꞌbá rilépi úmvúke drị̃ gá rĩ ꞌbã drị́ ãndá gá rĩ gá.
8 Ĩꞌdi mụ bụ́kụ̃ tralé cí ꞌdã aꞌdụ́lé ꞌbo, ãko ãzí ídri rú sụ ꞌdã kí ꞌbá ĩyõ ꞌdã abe, tị̃ kí ãja, su kí tị vụ̃rụ́ Kãbĩlõmvá drị̃lẹ́ gá. Kí ãlu-ãlu drị́ gá ụ̃ꞌdị́ cí, ãzíla bãkụ́lẹ̃ gólũdĩ ru galépi tré ãdu ngụ̃lépi ãjị́ trũ vĩrĩ rĩ trũ, ꞌdĩ kí Ãdróŋá ãꞌị̃ŋá ꞌbá ãlá rĩ ꞌbadrị́ rĩ.
9 Ngo kí úngó úꞌdí la:
10 Ífẽ acá kí Sụ́rụ́ ru ãzíla ãtalo Ãdróŋá ãmadrị́ rĩ ꞌbã ãzí ngalé pi rĩ,
11 Ándre ãngũ ị̃dị́, má are ụ́ꞌdụ́kọ́ mãlãyíkã álĩfũ wẽwẽ rú icólé lãlé ku la ꞌbã ãni la, ce kí úmvúke aga ãko ãzí ídri rú, ãzíla ꞌbá ĩyõ rĩ kí abe rị́,
12 kí úngó ngo agá ụ́ꞌdụ́kọ́ ụrụgá sĩ íni:
13 Má are ãko pírí ídri ꞌbụ̃ gâlé, ãzíla ụ̃nọ́kụ́ drị̃ gá rĩ kí abe, ụ̃nọ́kụ́ ị̃ndụ́ gá, mĩrĩ agá ãzíla ãko pírí ala gá ꞌdĩ kí abe, kí úngó ngo agá:
14 Ãko ídri sụ ꞌdã ãꞌị̃ kí pírí Ámĩnã, ãzíla ꞌbá ĩyõ ꞌdã tị̃ kí ãja tị sujó vụ̃rụ́ Ãdróŋá ị̃nzị̃jó.