1 Anakka elli locothakothe, mpimmakathe uꞌrupa wothothïlettat woKapik wꞌrek auo ntan ntothiꞌrot. Wonat puꞌran ikkun pïttïk ana capu cupukakathe nthrïk thung.
2 Uꞌrupa wothothïlettat wiꞌrekathe mpoꞌre cittan itti,
3 Akka ul wonocapu ncik appik wïkkot ngapak iopun ngopul iponu namat.
4 Ana mpapproccïkat poꞌre pꞌrek ntothiꞌrot apiꞌre itti,
5 Akka lon lung ilokithak laꞌrntakothe cik tothiꞌrot,
6 Nokkinthok ammakka kwokkinthet opilingon,
7 Nokkiethok thiak ana ipiek thiak noka
8 Ittina thoꞌrarot cik tholon ammakka thio ana tï ana ithmeru
9 Amma nili inaꞌrorok ngngin ana ikkoik thikkoik thoul iaaꞌrthan okin aththut nimmarok akka akwokꞌro ngkucuk, nipo thiak thung ana oothok.
10 Okin thacoꞌro ciththan nꞌre nothoccokot thiak thung akin oo itti,
11 Ul iakette aꞌrupu woothok ana occokot thiak akka pul pella pakerot kin aꞌrupu pꞌrin
12 aꞌrupu ammakka thaap ana mallong ana mothok imallio imonu cekerek crïk ana muccu morirok imallio, ana eret iothukkwakot ana eret iinyan ana eret ionu cekerek coppot, ana aꞌrupu ammakka oꞌren ia ul wongothe ionu cekerek coppot ana aꞌrupu appik ionu cekerek coppot iokkattathe nokïnyït koumathon ana noꞌren ana nomallong imoiththa ana naꞌroponte,
13 ana cakuruk aꞌrupu ammakka kira ikonu utha wakkunako ere amutha ana aꞌrupu iakkattat ngucul ammakka itti nyiritheni, ana ngapak ana ngaak, mꞌre ana mïl, kie ana lungkat, mapprththa ana aꞌrupu iathuthako mmapprththa, ul ionyi iaketta.
14 Ul iaaꞌrthan wiꞌre itti, ‘Aꞌrupu ia ngkwokat pongothe weot ncik pꞌrin. Aꞌrupu wothaꞌrthan thang ana thikkoik thang ithoporot thintatheik ana wakorronno appopakkot cik attang.’
15 Ul iathaꞌrthan iothakkat aꞌrthan iokat akette aꞌrupu ana iokat aiot thaꞌrthan naak wacoꞌro ciththan nꞌre nothoccokot thiak thung, akin oo ana ipo thiak
16 ana okin thoo itti,
17 Thaꞌrthan enthi ithrïk thokïttakathe accokkot.’
18 Amma okin thimmat kucuk kothik ithaik thakꞌrekok akokuꞌrot ithiꞌrot ana okin thiꞌre itti, ‘Pothok pꞌrek pokat cik prïk ammakka empi?’
19 Ana okin thapporet nunthu ima ana oo ana occokot thiak akin oo itti,
20 Onon ithaik tothiꞌrot, nopira noka,
21 Ittina uꞌrupa wothothïlettat woKapik wonekathe pothok pikkoik ere cna arrekat irok irapangka aiꞌrekat itti,
22 Ngeme ngoperenmperen ana ul iee ereneren ana ul iee uꞌrumpillang ana lïpïl
23 Kꞌran kothik kakorronno appocco iaung attang.
24 Nguccuk ngoul wothernte lon loKapik ana ngoul iupupure woKapik,