1 ᤕᤧᤛᤢ᤺ᤴ ᤂᤧᤵᤔᤥᤗᤠᤶ ᤐᤣᤀᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ᤏᤢ ᤀᤠᤒᤠᤅᤣ ᤁᤢᤒᤠᤱᤓᤣ᤹ᤀᤥ ᤋᤩᤧ॥
2 ᤜᤧᤰᤁᤩᤠᤱ ᤏᤠ᤺ᤶᤛᤡᤱ ᤕᤧᤴᤏᤥ ᤕᤧᤛᤢ᤺ᤴ ᤕᤜᤢᤍᤡ ᤆᤢᤶᤗᤢᤱᤜᤡᤶᤔᤥ ᤐᤣᤀᤠᤱ ᤜᤢ᤹ᤔᤠ ᤜᤣ᤺ᤰᤋᤢᤛᤡ॥ ᤂᤧᤵᤔᤥ ᤕᤖᤡᤰ ᤔᤏᤠᤜᤠ᤹ᤖᤧ ᤂᤢᤏᤧ᤹ ᤁᤢᤏᤡᤛᤠᤶᤔᤡᤴ ᤔᤧᤄᤧᤵᤛᤢᤀᤠᤱ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧᤀᤠᤱ ᤀᤰᤂᤣ ᤔᤧᤒᤠ᤺ᤳᤋᤢ. “ᤁᤴ ᤔᤏᤠ᤺ᤸᤗᤧ ᤀᤰᤋᤱᤒᤠ ᤐᤠ᤺ᤴᤏᤡᤴ ᤀᤠᤳᤋᤥ ᤂᤥ᤺ᤛᤢᤒᤣ᥅ ᤀᤠᤰᤂᤣᤗ᤹ᤖᤡᤰ ᤛᤡᤰᤁᤢᤶ ᤏᤡᤱᤘᤠ᤹ ᤏᤢ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤜᤠ᤹ ᤆᤥᤃᤢᤒᤣ᥄
3 ᤁᤱᤃ ᤔᤖᤡᤕᤔᤖᤧ ᤁᤢᤛ᤻ᤛᤠ᤺ ᤛᤡᤱ ᤁᤧᤃᤠᤶᤒᤧᤴ ᤔᤧ᤺ᤶᤒᤡ᥅ ᤁᤱᤃ ᤕᤠᤁᤢᤒ. ᤕᤢᤛᤢᤑ. ᤕᤜᤢᤍᤠ ᤏᤢ ᤛᤡᤔᤥᤏᤛᤡᤖᤧ ᤂᤢᤏᤡ᤹ ᤑᤢ᤹ᤏᤣ ᤔᤧ᤺ᤶᤒᤡ᥅ ᤁᤸᤗᤧ ᤁᤢᤴᤛᤠ᤹ ᤔᤧᤴᤇᤢᤔᤠᤜᤠ᤹ᤃ ᤀᤠᤏᤡ᤹ᤏᤢᤀᤣᤛᤧ ᤔᤧᤘᤠ᤹ᤒᤠ॥” ᤜᤧᤰᤁᤣ᤺ᤸᤗᤧ ᤂᤧᤴ ᤔᤏᤠᤜᤠ᤹ᤖᤧ ᤂᤢᤏᤧ᤹ ᤏᤠᤔᤧᤴᤇᤠ᤹ᤖᤢᤴᤗᤥ॥
4 ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤧᤱᤃ ᤁᤢᤒᤠᤱᤓᤣ᤹ᤛᤠᤒᤠᤜᤠ᤹. ᤁᤢᤃᤠ᤹ᤀᤡᤛᤥᤎᤥ᤺ᤰᤜᤠ᤹ ᤏᤢ ᤁᤢᤜᤡᤶᤛᤕᤱᤜᤠ᤹ᤖᤧ ᤀᤡᤱᤎᤠ᤺ᤱ ᤔᤧᤶᤒᤡᤖᤢᤴᤗᤥ॥ ᤁᤖ ᤘᤣ᤹ ᤋᤧᤴᤏᤥᤖᤰ ᤂᤢᤏᤧ᤹ ᤁᤢᤒᤠ᤺ᤴᤏᤡᤴ ᤔᤧᤄᤧᤵᤛᤢ᤹ᤖᤥ॥”
5 ᤂᤧᤵᤔᤥᤒᤠ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤏᤛᤠ᤺ᤴ ᤜᤥ᤺ᤵᤋᤧᤒᤠᤸᤗᤧ ᤆᤥᤃᤢᤸᤗᤧ ᤕᤧᤛᤢᤖᤧ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤔᤧᤛᤢᤰᤋᤢᤴ. ᤁᤖ ᤌᤡᤰ-ᤏᤧᤳᤇᤡ ᤁᤧᤍᤢᤰᤐᤠᤜᤠ᤹ ᤛᤶᤍᤠᤱᤗᤰ ᤁᤢᤜᤢᤰ ᤏᤧᤛ᤻ᤛᤢ ᤐᤡᤖᤢᤛᤡᤀᤠᤱ ᤘᤣ᤺ᤴᤍᤢᤛᤡᤖᤥ॥
6 ᤕᤧᤛᤢᤖᤧ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤏᤛᤠ᤺ᤴᤏᤡᤴ ᤜᤥ᤺ᤵᤋᤧᤒᤠ ᤏᤡ᤺ᤛᤢᤀᤠᤱ ᤁᤢᤏᤡᤱᤘᤠ᤹ ᤔᤕᤧ॥
7 ᤌᤡᤰ-ᤏᤧᤳ (᥇᥈) ᤁᤢᤜᤢ᤹ᤛᤠᤶᤒᤠᤜᤠ᤹ ᤀᤢ᤺ᤳᤋᤢᤛᤡᤀᤠᤱ ᤑᤧᤴᤛᤠᤶᤜᤠ᤹ ᤏᤠ᤺ᤵᤔᤠ ᤗ᤺ᤵᤔᤠ ᤕᤢᤰ ᤐᤡᤖᤢᤛᤡ॥ ᤜᤧᤰᤁᤩᤠᤱ ᤛᤢᤏᤠᤀᤡᤱ ᤀᤡᤱᤓᤴ ᤛᤧ᤺ᤛᤧ ᤏᤧᤳᤏᤧᤳᤇᤡ ᤐᤠᤱᤄᤢᤛᤡ॥
8 ᤜᤧᤰᤁᤩᤠᤱ ᤀᤰᤂᤣᤗ᤹ᤖᤡᤰ ᤀᤡᤱᤈᤠ᤺ᤱ ᤐᤡᤖᤢᤛᤡ. “ᤂᤡᤏᤡ᤹ ᤗᤠᤶᤍᤡ᤺ᤰᤁᤥ ᤁᤧᤒᤣᤃᤡᤸᤗᤧ ᤋᤰᤁᤠ᤺ᤳᤗᤰ ᤕᤠᤱᤅᤠᤛᤡᤶᤔᤧ᤹. ᤂᤧᤴᤏᤠᤱᤎᤥ ᤘᤣ᤹ ᤆᤠᤔᤠ ᤆᤠ. ᤛᤢ᤺ᤰᤘᤠ ᤏᤢ ᤕᤠᤱ ᤌᤣᤀᤠᤱ ᤔᤧᤍᤣ᤹ᤖᤧᤶᤔᤡᤴᤏᤧ᤹ᤀᤥ॥
9 ᤗᤠᤱᤛᤢ᤺ᤵᤐᤡᤴ ᤆᤠᤰᤂᤧᤶᤔᤧ᤹. ᤁᤖ ᤘᤣ᤹ ᤗᤧᤰᤛᤡᤱᤔᤠ ᤆᤠᤱ ᤔᤧᤒᤰᤂᤧᤶᤔᤡᤴᤏᤧ᤹ᤀᤥ॥
10 ᤂᤡᤏᤡ᤹ ᤁᤧᤒᤣᤃᤡᤸᤗᤧ ᤀᤠᤳᤋᤡᤴ ᤜᤡᤶᤔᤥ ᤗᤠᤱᤍᤠ᤺ᤰᤔᤠ ᤁᤧᤶᤒᤡᤖᤡ᤹. ᤂᤧᤴ ᤐᤠᤱᤓᤣ᤹ᤀᤥᤗᤠᤶ ᤔᤧᤶᤒᤣ᤺ᤰᤁᤣ ᤌᤠᤖᤡᤰ ᤒᤠ ᤂᤧᤴ ᤜᤡᤶᤔᤥᤀᤣ ᤘᤕᤧᤶᤔᤧ᤹ᤀᤥ॥
11 ᤜᤧᤰᤁᤩᤠᤱ ᤀᤠᤳᤋᤡᤴ ᤗᤠᤈᤣ᤹ᤀᤥ ᤂᤡᤏᤡ᤹ ᤗᤠᤶ ᤁᤧᤔᤧᤴᤍᤠ᤺ᤰᤋᤡᤴ ᤜᤧᤰᤁᤩᤠᤱ ᤂᤡᤏᤡ᤹ ᤐᤠ᤺ᤴᤏᤠᤱ ᤔᤧᤱᤄᤧᤵᤛᤢᤴ. ᤂᤧᤴ ᤗᤠᤈᤣ᤹ᤀᤡᤴ ᤁᤧᤗᤧᤖᤢᤶᤔᤠᤱ ᤁᤧᤒᤡᤃᤡᤸᤗᤧ ᤂᤡᤏᤡ᤹ ᤗᤠᤱᤅᤥ ᤁᤧᤄᤡᤵᤐᤠ ᤂᤠᤶ ᤜᤡ᤺ᤰᤁᤡᤴ ᤌᤠᤵᤛᤧᤶ ᤌᤠ᤹ᤖᤧᤶᤛᤡᤶᤔᤧ᤹ ᤁᤱᤃ ᤂᤢᤏᤡ᤹ ᤋᤰᤗᤧᤱᤘᤠᤀᤥ ᤁᤧᤒᤥ᤺ᤱᤒᤠ ᤔᤡᤰᤛᤣ᤺ᤴᤗᤥ॥”
12 ᤜᤧᤰᤁᤩᤠᤱ ᤂᤧᤱᤜᤠ᤹ ᤔᤧᤒᤣᤀᤠᤱ ᤔᤏᤠᤜᤠ᤹ᤀᤥ ᤂᤡᤏᤡ᤹ ᤗᤠᤕᤥᤗᤠᤶ ᤜᤡᤴᤍᤧᤶᤔᤧ᤹ ᤑᤠ᤹ᤀᤠᤱ ᤀᤡᤱᤓᤴ ᤛᤧ᤺ᤔᤠ ᤔᤧᤜᤣ᤺ᤰᤋᤢ॥
13 ᤂᤧᤱᤜᤠ᤹ᤖᤧ ᤔᤏᤠᤜᤠ᤹ᤗᤠᤶ ᤑᤧᤴᤛᤠᤶᤜᤠ᤹ ᤔᤧᤗ᤺ᤳᤋᤢᤛᤡ॥ ᤜᤧᤰᤁᤩᤠᤱ ᤕᤖᤡᤰ ᤁᤧᤍᤢᤰᤐᤠᤜᤠ᤹ ᤏᤡ᤺ᤱᤃᤣ᤹ ᤔᤧᤜᤢ᤺ᤳᤋᤢ ᤔᤧᤒᤡᤖᤢᤛᤡ. ᤜᤧᤰᤁᤩᤠᤱ ᤔᤧᤘᤣ᤺ᤴᤍᤢᤛᤡᤖᤥ॥
14 ᤀᤠᤸᤗ ᤕᤧᤛᤢᤖᤧ ᤁᤢᤔᤡᤱᤛᤥ-ᤁᤢᤎᤠ᤺ᤱᤛᤥ ᤁᤧᤖᤧᤰ ᤐᤡᤛᤠᤱ ᤛᤧ᤺ᤖᤧ. ᤜᤧᤰᤁᤩᤠᤱ ᤕᤧᤛᤢᤖᤧ ᤁᤢᤕᤠ᤺ᤶᤒᤣᤀᤥ ᤜᤧᤖᤥᤍ ᤜᤠᤱᤅᤡᤸᤗᤧᤀᤠᤱ ᤂᤧᤵᤛᤢᤖᤥ॥ ᤁᤢᤓᤠᤖᤧ ᤔᤧᤒᤠ᤺ᤳᤋᤢ. “ᤒᤵᤋᤡᤛ᤻ᤔᤠ ᤁᤧᤒᤡᤒᤠ ᤕᤢᤜᤢᤴᤏᤠ᤺ᤴ ᤕᤠᤶᤔᤥ ᤜᤡᤅᤧᤒᤠᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ ᤔᤢᤰᤛᤠᤶᤗᤠᤶᤒᤠ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰ ᤆᤥᤃᤢᤖ ᤘᤠ᤹ᤖᤥ॥”
15 ᤁᤖ ᤘᤣ᤹ᤜᤠ᤹ᤖᤧ ᤔᤧᤒᤠ᤺ᤳᤋᤢ. “ᤁᤱᤃ ᤔᤠᤱᤏᤡᤱᤘᤠ᤹ᤐᤠ᤺ᤴ ᤁᤧᤒᤠ᤺ᤵᤐᤠ ᤀᤣᤗᤡᤕᤠ᤺ᤴᤗᤥ॥”
16 ᤁᤖ ᤜᤧᤖᤥᤍ ᤜᤠᤱᤅᤡᤸᤗᤧ ᤁᤴ ᤂᤧᤵᤛᤢᤀᤠᤱ ᤀᤰᤂᤣ ᤐᤠ᤺ᤳᤋᤢ. “ᤁᤱᤃ ᤒᤵᤋᤡᤛ᤻ᤔᤠ ᤁᤧᤒᤡᤒᤠ ᤕᤢᤜᤢᤴᤏᤠ᤺ᤸᤗᤥ॥ ᤀᤡᤱᤃᤠ᤹ ᤂᤢᤏᤧ᤹ ᤁᤢᤏᤡ᤺ᤱᤔᤠᤴ ᤂᤰ ᤐᤠᤱᤄᤢᤱᤛᤡᤱᤅᤠᤱ ᤘᤕᤧ. ᤁᤖ ᤕᤠᤶᤔᤥ ᤁᤢᤛᤡᤘᤧᤳᤗᤠᤶ ᤁᤢᤜᤡᤱᤘᤧᤳ ᤐᤥ᤺ᤰᤂᤧᤖᤥ᥄”
19 ᤜᤧᤖᤥᤍᤡᤕᤠᤛᤖᤧ ᤕᤢᤜᤢᤴᤏᤠ᤺ᤴᤏᤢ ᤁᤢᤛᤡᤰ ᤐᤥᤃᤧᤀᤠᤱ ᤂᤧᤴ ᤛᤧᤵᤔᤠ ᤏᤡᤱᤘᤠ᤹ ᤆᤥᤃᤢᤀᤠᤱ ᤘᤕᤧᤛᤠᤱ ᤂᤢᤏᤧ᤹ ᤛᤧᤵᤔᤠ ᤔᤧᤴᤇᤢᤰᤁᤣ ᤘᤕᤧ.
20 ᤌᤣᤀᤠᤱᤓᤧᤸᤗᤧ ᤜᤧᤖᤥᤍ ᤜᤠᤱᤅᤡᤸᤗᤧ ᤕᤢᤜᤢᤴᤏᤠ᤺ᤴ ᤛᤠᤶᤕᤥᤏᤡᤒᤠ ᤏᤢ ᤛᤣᤛᤣᤒᤠ ᤔᤏᤠ ᤑᤠ᤹ᤀᤠᤱ ᤁᤢᤛᤡᤱ ᤏᤡ᤺ᤳᤋᤢᤀᤠᤱ ᤘᤕᤧ. ᤂᤧᤸᤗᤧ ᤆᤥᤃᤢᤸᤗᤧ ᤂᤢᤏᤧ᤹ ᤋᤠᤱᤛᤧ᤺ᤵᤋᤢᤀᤠᤱ ᤘᤕᤧᤖᤥ॥ ᤕᤢᤜᤢᤴᤏᤠᤖᤧ ᤁᤢᤒᤠ᤺ᤴᤏᤡᤴ ᤂᤢᤏᤧ᤹ ᤂᤧᤵᤛᤢᤸᤗᤧ ᤛᤠ᤹ᤖᤡᤰ ᤁᤡ᤺ᤛᤧᤀᤠᤱ ᤘᤕᤧᤛᤠᤱ ᤛ᤺ᤳᤋᤧᤖ ᤂᤧᤵᤛᤢᤖᤀᤣ ᤘᤕᤧᤖᤥ॥
21 ᤀᤠᤸᤗ ᤕᤶᤒᤠ ᤛᤢᤕᤧᤶ ᤋᤩᤧ॥ ᤜᤧᤖᤥᤍ ᤜᤠᤱᤅᤡᤸᤗᤧ ᤁᤢᤛᤠᤘᤠ᤺ᤴᤇᤡᤱᤔᤠ ᤛᤛ᤺ᤳᤛᤖᤠᤱᤅᤥ ᤃᤠᤗᤡᤗ ᤌᤢᤶᤔᤥᤒᤠ ᤐᤕᤶ ᤕᤶᤒᤠ ᤛᤢᤜᤠᤱᤕᤢᤰᤐᤠᤜᤠ᤹. ᤋᤡᤗᤡᤱᤃᤠᤜᤠ᤹ᤖᤧ ᤂᤢᤏᤡ᤹ ᤌᤰᤋᤢᤶᤒᤠᤜᤠ᤹ ᤏᤢ ᤔᤡᤱᤛᤥᤍᤠᤱᤒᤠ ᤋᤢᤶᤔᤩᤠᤜᤠᤱᤜᤠ᤹ ᤋᤖᤣ ᤀᤢ᤺ᤳᤋᤢᤛᤡᤀᤠᤱ ᤘᤕᤧ॥
22 ᤜᤧᤖᤥᤍᤡᤕᤠᤛᤖᤧ ᤀᤠᤒᤠᤅᤣ ᤁᤢᤛ᤻ᤛᤠ᤺ ᤔᤧᤴᤇᤢᤔᤠ᤹ᤀᤡᤴ ᤂᤧᤵᤔᤥ ᤋᤩᤧᤀᤠᤱ ᤗᤠ᤺ᤰᤂᤧ. ᤜᤧᤰᤁᤩᤠᤱ ᤜᤧᤖᤥᤍ ᤜᤠᤱᤅᤡᤴ ᤏᤢ ᤂᤧᤵᤔᤥ ᤁᤧᤍᤠ᤺ᤒᤠ ᤁᤧᤖᤧᤰ ᤋᤖᤣᤒᤠᤜᤠ᤹ᤖᤧ ᤂᤢᤏᤡ᤹ ᤏᤡᤱᤘᤠ᤹ ᤋᤠᤛᤢ ᤐᤡᤖᤢᤛᤡᤸᤗᤧ ᤜᤠᤱᤅᤡᤸᤗᤧ ᤂᤧᤴ ᤔᤧᤳᤋᤢ. “ᤂᤧᤏᤧ᤹ ᤌᤣ ᤁᤧᤏᤠ᤺ᤰᤁᤠᤛᤠᤱ ᤀᤡᤱᤃᤠ᤹ ᤐᤡᤏᤧᤖᤥ॥”
23 ᤂᤧᤸᤗᤧ ᤔᤠᤱᤜᤧᤰᤛᤡᤱᤗ ᤔᤧᤳᤋᤢ. “ᤂᤧᤏᤧ᤹ ᤌᤣ ᤁᤧᤏᤠ᤺ᤰᤁᤠ ᤀᤡᤱᤃᤠ᤹ ᤐᤡᤏᤧ॥ ᤀᤠᤜᤠᤱᤈᤢᤶᤔᤡᤴ ᤁᤢᤓᤪᤧ᤺ᤱ ᤁᤧᤏᤠ᤺ᤰᤋᤢᤛᤠᤱ ᤐᤡᤏᤧᤖᤥ॥”
24 ᤂᤧᤴ ᤆᤢᤰᤔᤧᤴ ᤁᤢᤶᤔᤠᤖᤥ ᤐᤣᤀᤠᤱ ᤛᤣ᤺ᤴᤍᤥᤛᤢ. “ᤀᤠᤸᤗ ᤌᤣ ᤏᤠ᤺ᤰᤋᤢᤱᤒᤠᤒᤣ᥅”
25 ᤂᤡᤔᤥ ᤂᤧᤴ ᤆᤢᤰᤔᤧᤴᤏᤠᤱ ᤐᤣᤀᤠᤱ ᤔᤧᤳᤋᤢ. “ᤒᤵᤋᤡᤛ᤻ᤔᤠ ᤁᤧᤒᤡᤒᤠ ᤕᤢᤜᤢᤴᤏᤠ᤺ᤸᤗᤧ ᤁᤢᤎᤧᤃᤣ᤺ᤰᤁᤡᤴ ᤀᤠᤸᤗᤥᤛᤠ ᤆᤧᤳᤌᤩᤠᤀᤥ ᤐᤡᤖᤠᤱᤅᤧ᤹ᤀᤥ॥”
26 ᤜᤧᤰᤁᤣ᤺ᤸᤗᤧ ᤜᤧᤖᤥᤍ ᤜᤠᤱᤅᤡᤴ ᤛᤠ᤹ᤖᤡᤰ ᤁᤢᤏᤡᤱᤘᤠ᤹ ᤋᤢᤃᤧᤛᤠᤱ ᤂᤧᤵᤔᤥ ᤁᤧᤘᤠ᤹ᤒᤠ ᤋᤖᤣᤒᤠᤜᤠ᤹ᤖᤧ ᤂᤢᤏᤡ᤹ ᤋᤃᤡ ᤂᤢᤏᤧ᤹ ᤆᤥᤃᤢᤒᤠ ᤔᤠᤱᤜᤧᤰᤁᤡᤴ ᤁᤧᤵᤔᤠᤀᤣ ᤁᤧᤗ᤹ᤒᤠ ᤏᤡᤱᤘᤠ᤹ ᤆᤥᤃᤢᤀᤠᤱ
27 ᤂᤧᤵᤔᤥ ᤁᤧᤕᤧᤵᤐᤠ ᤜᤠᤱᤋᤡᤗᤡᤱᤃᤠ᤺ᤴ ᤐᤣᤃᤧ᤹ᤀᤠᤱ ᤕᤢᤜᤢᤴᤏᤠᤖᤧ ᤁᤢᤎᤧᤃᤣ᤺ᤰᤁᤡᤴ ᤑᤧᤳᤋᤧ᤹ ᤑᤠ᤹ᤀᤠᤱ ᤀᤡᤱᤈᤠ᤺ᤱ ᤐᤡᤖᤢ॥ ᤂᤧᤴ ᤂᤡᤔᤥ ᤐᤢᤱᤗᤠᤜᤡᤶᤔᤥ ᤐᤣᤀᤠᤱ ᤕᤢᤜᤢᤴᤏᤠᤖᤧ ᤁᤢᤎᤧᤃᤣ᤺ᤰᤁᤡᤴ ᤂᤰᤋᤢ.
28 ᤜᤧᤰᤁᤩᤠᤱ ᤆᤧᤳᤌᤩᤠᤀᤥ ᤑᤧᤳᤋᤢᤀᤠᤱ ᤂᤧᤴ ᤆᤢᤰᤔᤧᤴ ᤐᤡᤖᤢ॥ ᤆᤢᤰᤔᤧᤸᤗᤧ ᤂᤧᤴ ᤋᤣ᤹ᤖᤢᤀᤠᤱ ᤁᤢᤶᤔᤠ ᤐᤡᤖᤢᤖᤥ॥
29 ᤕᤢᤜᤢᤴᤏᤠ᤺ᤸᤗᤧ ᤁᤢᤜᤢ᤹ᤛᤠᤶᤒᤠᤜᤠ᤹ᤖᤧ ᤁᤴ ᤔᤧᤄᤧᤵᤛᤢᤀᤠᤱ ᤔᤧᤍᤩᤧ. ᤜᤧᤰᤁᤩᤠᤱ ᤁᤢᤎᤰᤁᤡᤴ ᤔᤧᤍᤣ᤹ᤖᤢᤀᤠᤱ ᤀᤡᤵᤐᤢᤱᤅᤥ ᤔᤧᤗᤢᤵᤋᤢ॥
30 ᤋᤃᤡ ᤕᤧᤛᤢᤖᤧ ᤀᤡᤱᤓᤴ ᤆᤥ᤺ᤰᤛᤧ ᤐᤠᤱᤄᤢᤛᤡᤒᤠ ᤛᤣ᤺ᤰᤕᤢᤰᤔᤡᤒᤠᤜᤠ᤹ᤖᤧ ᤔᤧᤈᤥᤃᤢᤒᤠ ᤕᤠ᤺ᤶᤒᤰ ᤏᤢ ᤔᤧᤜᤢ᤹ᤖᤢᤛᤡᤒᤠ ᤐᤠ᤺ᤴᤜᤠ᤹ ᤔᤧᤏᤢ᤺ᤰᤂᤧ ᤔᤧᤍᤩᤧᤀᤠᤱ ᤕᤧᤛᤢ᤺ᤴ ᤔᤧᤈᤧᤰᤋᤢ॥
31 ᤜᤧᤰᤁᤩᤠᤱ ᤕᤧᤛᤢᤖᤧ ᤀᤠᤸᤗ ᤀᤣ᤺ᤰᤛᤠᤍᤧᤴᤏᤥ ᤐᤡᤃᤡᤀᤠᤱ ᤛᤵᤑᤠᤛᤡᤰ ᤏᤠ᤺ᤶᤔᤠᤛᤡ ᤑᤠ᤹ᤀᤠᤱ ᤂᤧᤱᤜᤠ᤹ ᤔᤧᤳᤋᤢᤛᤡ. ᤌᤣᤀᤠᤱᤓᤧᤸᤗᤧ ᤁᤧᤍᤠ᤺ᤒᤠ ᤁᤧᤒᤣ᤺ᤰᤐᤠ ᤔᤏᤠᤜᤠ᤹ᤖᤧ ᤔᤧᤈᤥᤃᤢᤸᤗᤧ ᤂᤢᤏᤡ᤹ ᤆᤠᤔᤠ ᤕᤧᤶᤔᤠᤱ ᤔᤧᤱᤄᤥᤀᤣ ᤔᤧᤘᤕᤧᤖᤥ॥
32 ᤜᤧᤰᤁᤣ᤺ᤸᤗᤧ ᤕᤧᤛᤢ᤺ᤴ ᤏᤢ ᤁᤢᤜᤢ᤹ᤛᤠᤶᤒᤠᤜᤠ᤹ ᤂ᤺ᤱᤒᤣᤀᤥ ᤛᤫᤠ᤺ᤳᤋᤠᤱ ᤔᤧᤗᤠ᤺ᤛᤧᤀᤠᤱ ᤀᤣ᤺ᤰᤛᤠᤍᤧᤴᤏᤥ ᤔᤧᤒᤣ॥
33 ᤁᤖ ᤕᤖᤡᤰ ᤔᤏᤠᤜᤠ᤹ᤖᤧ ᤂᤧᤱᤜᤠ᤹ ᤔᤧᤒᤣᤖ ᤔᤧᤒᤳᤇᤧᤒᤠ ᤔᤧᤏᤡ᤺ᤛᤢᤛᤡᤀᤠᤱ ᤁᤢᤛᤡᤱ ᤔᤧᤏᤡ᤺ᤳᤋᤢᤛᤡ. ᤜᤧᤰᤁᤩᤠᤱ ᤁᤧᤖᤧᤰ ᤐᤠᤱᤈᤢᤶᤔᤥᤗᤠᤶ ᤔᤧᤗᤥ᤺ᤰᤋᤧᤖ ᤔᤧᤒᤣ. ᤜᤧᤰᤁᤩᤠᤱ ᤂᤧᤱᤜᤠ᤹ ᤔᤧᤒᤣᤒᤠ ᤋᤧᤴᤏᤥ ᤂᤧᤱᤜᤠ᤹ᤏᤢ᤺ᤸᤗᤧ ᤋᤃᤡ ᤂᤧᤵᤔᤥ ᤔᤧᤃᤧᤖᤧ॥
34 ᤜᤧᤰᤁᤩᤠᤱ ᤕᤧᤛᤢ᤺ᤴ ᤂ᤺ᤱᤒᤣᤀᤥᤗᤠᤶ ᤗ᤺ᤴᤍᤧᤸᤗᤧ ᤕᤖᤡᤰ ᤔᤏᤠᤜᤠ᤹ ᤏᤡ᤺ᤛᤢᤛᤡᤀᤠᤱ ᤁᤢᤗᤢᤱᤔᤠ᤹ ᤔᤧᤍᤢᤃᤧ. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ ᤔᤧᤸᤗᤢᤰᤁᤶᤒᤠ ᤔᤧ᤺ᤴᤏᤣᤒᤠ ᤔᤧᤸᤗᤢᤰᤜᤠ᤹ ᤜᤧᤰᤁᤣ ᤔᤧᤗ᤹ᤖᤧ॥ ᤜᤧᤰᤁᤣ᤺ᤸᤗᤧ ᤕᤧᤛᤢᤖᤧ ᤂᤧᤱᤜᤠ᤹ ᤕᤖᤡᤰ ᤏᤡᤛᤠᤶ ᤜᤢ᤹ᤖᤢᤛᤡ॥
37 ᤁᤖ ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ᤀᤣ ᤁᤱᤜᤠ᤹ ᤁᤢᤈᤠ ᤐᤡᤖᤧᤶᤛᤡᤶᤔᤧ᤹ᤀᤥ”
38 ᤕᤧᤛᤢᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤀᤠᤰᤂᤧᤶᤔᤩᤠᤰ ᤂᤖᤧ᤺ᤱ ᤁᤧᤃᤳᤋᤢᤶ. ᤐᤣᤃᤧᤶᤔᤧ᤹ᤀᤠᤱ ᤀᤥᤔᤧᤳᤋᤧᤶᤔᤧ᤹᥄”
39 ᤂᤧᤴ ᤔᤏᤠᤜᤠ᤹ ᤕᤠ᤺ᤴ ᤁᤧᤕᤢᤱᤒᤠ ᤂᤠᤶᤔᤥ ᤌᤧ᤺ᤰᤐᤧᤳᤋᤠᤱ ᤕᤢᤱᤔᤠ ᤐᤠᤱᤄᤧᤶᤛᤡᤶᤔᤧ᤹ ᤑᤠ᤹ᤀᤠᤱ ᤕᤧᤛᤢᤖᤧ ᤀᤡᤱᤈᤠ᤺ᤱ ᤐᤡᤖᤢᤛᤡ.
40 ᤜᤧᤰᤁᤣ᤺ᤸᤗᤧ ᤂᤧᤱᤜᤠ᤹ ᤁᤡᤵ ᤌᤡᤰ (᥇᥆᥆) ᤏᤢ ᤅᤠᤒᤥ᤺ᤱ (᥋᥆) ᤗ᤹ᤖᤡᤰ ᤔᤧᤜᤠᤛᤡᤱᤅᤠᤱ ᤌᤧ᤺ᤰᤐᤧᤳ ᤔᤧᤒᤧᤴᤇᤡᤱᤅᤠᤱ ᤔᤧᤕᤢᤱᤛᤡᤱ॥
41 ᤕᤧᤛᤢᤖᤧ ᤂᤧᤴ ᤅᤠᤛᤡ (᥋) ᤂᤖᤧ᤺ᤱ ᤏᤢ ᤏᤧᤳᤇᤡ (᥈) ᤅᤠᤜᤠ᤹ ᤕᤠᤱᤛᤡᤱᤅᤠᤱ ᤛᤠᤱᤃᤪᤠᤶᤐᤣᤍᤠᤱ ᤗᤧᤵᤔᤠᤱ ᤀᤥᤔᤧᤳᤋᤢᤖ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤏᤥᤃᤧᤴ ᤐᤡᤖᤢᤖ ᤂᤖᤧ᤺ᤱᤜᤠ᤹ ᤂᤧ᤺ᤰᤂᤢ॥ ᤜᤧᤰᤁᤩᤠᤱ ᤂᤧᤴ ᤔᤏᤠᤜᤠ᤹ ᤔᤧᤜᤠ᤺ᤳᤋᤢᤛᤡᤖ ᤑᤠ᤹ᤀᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ ᤐᤡᤖᤢᤛᤡ॥ ᤂᤧᤴ ᤏᤧᤳᤇᤡ ᤅᤠᤜᤠ᤹ᤀᤠᤱ ᤂᤧ᤺ᤰᤂᤢᤀᤠᤱ ᤔᤏᤠᤜᤠ᤹ ᤔᤧᤜᤠ᤺ᤳᤋᤢᤛᤡᤖ ᤑᤠ᤹ᤀᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ ᤐᤡᤖᤢᤛᤡᤖᤥ॥
42 ᤂᤧᤱᤜᤠ᤹ᤖᤧ ᤂᤠᤄᤠ ᤔᤧᤈᤖᤥ॥
43 ᤜᤧᤰᤁᤩᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ᤖᤧ ᤂᤧᤴ ᤂᤖᤧ᤺ᤱ ᤏᤢ ᤅᤠᤜᤠ᤹ᤖᤧ ᤁᤢᤈᤡ ᤁᤧᤏᤶᤒᤠᤜᤠ᤹ ᤔᤧᤛᤢᤵᤛᤢᤸᤗᤧ ᤌᤡᤰ-ᤏᤧᤳ (᥇᥈) ᤏᤀᤡᤔᤠ ᤕᤥᤖᤧᤖᤥ॥
44 ᤂᤧᤴ ᤂᤖᤧ᤺ᤱ ᤁᤧᤈᤠᤒᤠᤜᤠ᤹ ᤜᤧᤴᤇᤡᤱ ᤅᤠᤛᤡ (᥋᥆᥆᥆) ᤕᤧᤶᤒᤡᤳᤇᤠ᤹ᤜᤠ᤹ᤖᤰ ᤔᤧᤘᤕᤧ॥
45 ᤕᤧᤛᤢᤖᤧ ᤔᤏᤠᤜᤠ᤹ ᤐᤠᤱᤄᤢᤛᤡᤏᤠᤔᤧ᤺ᤴᤏᤣ ᤂ᤺ᤱᤒᤣᤀᤥ ᤗᤠ᤺ᤛᤧᤶᤔᤧ᤹ᤀᤠᤱ ᤘᤖᤰᤁᤡᤸᤗᤧ ᤏᤠᤜᤠᤱᤍᤠᤱ ᤒᤧᤌᤛᤣᤍᤠᤀᤥ ᤀᤡᤱᤃᤠ᤹ᤏᤢ᤺ᤸᤗᤧ ᤋᤃᤡ ᤐᤣᤃᤧᤶᤔᤧ᤹ ᤑᤠ᤹ᤀᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ ᤔᤧᤳᤋᤢᤛᤡ॥
46 ᤜᤧᤰᤁᤩᤠᤱ ᤂᤧᤵᤔᤥᤗᤠᤶ ᤋᤢᤘᤠ ᤆᤥ᤺ᤰᤛᤧ ᤌᤥ ᤁᤥ᤺ᤰᤔᤠᤀᤥ ᤐᤣᤖᤥ॥
47 ᤀᤠᤸᤗ ᤂᤠᤍᤠᤔᤧᤸᤗᤧ ᤂ᤺ᤱᤒᤣᤴ ᤘᤖᤰᤁᤡᤸᤗᤧ ᤁᤢᤗᤢᤶᤔᤥ ᤘᤕᤧ. ᤜᤧᤰᤁᤩᤠᤱ ᤘᤖᤰᤁᤡᤸᤗᤧ ᤁᤢᤕᤠᤀᤥ ᤕᤧᤛᤢ᤺ᤱᤃ ᤀᤣ᤺ᤰ ᤘᤕᤧᤖᤥ॥
48 ᤁᤢᤜᤢ᤹ᤛᤠᤶᤒᤠᤜᤠ᤹ᤖᤧ ᤛᤢᤖᤡᤳ ᤁᤣᤈᤱᤅᤡᤴ ᤂᤢᤏᤡ᤹ ᤋᤰᤗᤧᤵᤔᤠᤱᤏᤢ ᤜᤢ᤺ᤖᤧᤒᤠᤸᤗᤧ ᤂ᤺ᤱᤒᤣᤴ ᤘᤖᤰᤁᤥ ᤋᤃᤡ ᤋᤣ᤹ᤔᤠ ᤁᤧᤛᤠᤰᤐᤠ ᤔᤧᤍᤢᤔᤢᤀᤠᤱ ᤔᤧᤕᤠᤃᤧᤒᤠ ᤕᤧᤛᤢᤖᤧ ᤏᤡ᤺ᤛᤢᤛᤡ॥ ᤜᤧᤰᤁᤣ᤺ᤸᤗᤧ ᤀᤡᤱᤘᤠ ᤁᤠ᤺ᤔᤠᤏᤢ᤺ᤸᤗᤧ ᤋᤃᤡ ᤕᤧᤛᤢ᤺ᤴ ᤘᤖᤰᤁᤥ ᤗᤠᤱᤄᤣᤃᤧᤖ ᤐᤣᤖᤥ॥ ᤜᤧᤰᤁᤩᤠᤱ ᤁᤢᤜᤢ᤹ᤛᤠᤶᤒᤠᤜᤠ᤹ ᤔᤧᤕᤠᤃᤧᤒᤠ ᤂ᤺ᤱᤒᤣᤴ ᤗᤠᤶᤒᤠᤰᤔᤠ ᤀᤡ᤺ᤳᤋᤢᤸᤗᤧ
51 ᤜᤧᤰᤁᤩᤠᤱ ᤕᤧᤛᤢ᤺ᤴ ᤂ᤺ᤱᤒᤣᤀᤥ ᤗᤠ᤺ᤛᤧᤀᤠᤱ ᤛᤢᤖᤡᤳ ᤁᤣᤈᤱᤅᤡᤴ ᤜᤢ᤺ᤔᤠ ᤆᤰ ᤗ᤹ᤖᤧ॥ ᤁᤢᤜᤢ᤹ᤛᤠᤶᤒᤠᤜᤠ᤹ᤖᤧ ᤛᤠ᤹ᤖᤡᤰ ᤂᤢᤏᤡ᤹ ᤏᤡᤱᤘᤠ᤹ ᤔᤕᤧ॥
52 ᤂᤧᤱᤜᤠ᤹ᤖᤧ ᤂᤖᤧ᤺ᤱᤅᤡᤸᤗᤧ ᤕᤖᤡᤰ ᤔᤏᤠᤜᤠ᤹ ᤋᤧᤰᤋᤢᤛᤡᤒᤠ ᤏᤡᤱᤘᤠ᤹ ᤁᤧᤔᤠᤒᤠ ᤕᤠ᤺ᤶᤒᤰᤁᤡᤴ ᤁᤢᤛᤡᤱ ᤔᤧᤴᤏᤡ᤺ᤳᤋᤣ ᤔᤧᤘᤕᤧ. ᤌᤣᤀᤠᤱᤓᤧᤸᤗᤧ ᤂᤢᤏᤡ᤹ ᤏᤡᤱᤘᤠ᤹ ᤁᤧᤎᤢᤱᤒᤠ ᤆᤥᤃᤧᤖᤥ॥
55 ᤜᤧᤰᤁᤩᤠᤱ ᤂᤧᤱᤜᤠ᤹ ᤂᤡᤖᤡᤒᤠ ᤋᤧᤴᤏᤥ ᤔᤧᤗᤥ᤺ᤰᤋᤧᤖ ᤔᤧᤒᤣᤀᤠᤱ ᤁᤧᤍᤢᤰᤐᤠ ᤁᤧᤕ᤹ᤒᤠᤜᤠ᤹ ᤕᤧᤛᤢ᤺ᤴ ᤘᤕᤧᤒᤠ ᤋᤧᤴᤏᤥᤀᤣ ᤂᤢᤏᤡ᤹ ᤏᤧᤳᤏᤠ᤺ᤴᤏᤢᤀᤣ ᤔᤧᤍᤠᤖᤢᤛᤡᤖᤥ॥
56 ᤐᤠᤱᤓᤣ᤹ ᤐᤠᤱᤈᤢᤶ ᤕᤧᤰᤕᤰᤁᤥ ᤂᤢᤏᤧ᤹ ᤀᤠᤳᤋᤠᤴ ᤐᤣᤛᤠᤱ ᤁᤧᤍᤢᤰᤐᤠ ᤁᤧᤕ᤹ᤒᤠᤜᤠ᤹ ᤁᤢᤗᤠᤶᤔᤥ ᤔᤧᤏᤧᤛ᤻ᤛᤢᤛᤡᤖᤥ॥ ᤜᤧᤰᤁᤩᤠᤱ ᤕᤧᤛᤢᤖᤧ ᤁᤢᤍᤣ᤺ᤳᤋᤡᤸᤗᤧ ᤁᤢᤛᤢᤰᤐᤧᤴᤗᤰᤛᤠᤱ ᤛᤢ᤺ᤔᤠ ᤑᤠ᤹ᤀᤠᤱ ᤁᤧᤍᤢᤰᤐᤠᤜᤠ᤹ᤖᤧ ᤐᤣᤗᤡ ᤔᤧᤓᤠᤰᤋᤢ. ᤜᤧᤰᤁᤩᤠᤱ ᤂᤢᤏᤧ᤹ ᤁᤧᤛᤢᤒᤠᤜᤠ᤹ ᤁᤧᤖᤧᤰ ᤔᤧᤘᤣ᤺ᤳᤋᤧᤖᤥ॥