3 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤡᤱᤘᤠ᤹ ᤆᤥᤃᤢᤏᤧ ᤑᤠ᤹ᤃᤪ ᤜᤧᤰᤁᤣᤗ᤹ᤖᤡᤰᤁᤣ ᤁᤢᤛᤠᤱ ᤗ᤺ᤔᤠ ᤗᤧᤵᤔᤠᤱ ᤋᤃᤡ ᤀᤠᤒᤥ᤺ᤖᤥ॥
7 ᤐᤠᤱᤃᤧᤴᤍᤡᤱ ᤘᤠᤜᤡᤳᤋᤡᤸᤗᤧ ᤐᤩᤠᤱᤛᤡᤃᤧᤴ ᤀᤡᤰᤋᤠᤵᤐᤡᤴ ᤘᤠᤖᤰᤂᤢ᤹. ᤜᤧᤰᤁᤩᤠᤱ ᤀᤡᤰ ᤁᤧᤔ᤺ᤒᤠᤴ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤐᤥᤃᤢᤃᤧᤴ ᤁᤢᤈᤠ ᤁᤧᤎᤥ᤺ᤰᤐᤠ ᤂᤧᤴ ᤐᤩᤠᤱᤛᤡᤃᤧᤴ ᤀᤡᤰᤋᤠᤵᤐᤥᤃ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤢ᤹ᤀᤡᤛᤠᤶ ᤌᤠ᤺ᤛᤢᤀᤠᤱ ᤕᤖᤡᤰ ᤁᤢᤈᤠ ᤌᤥ᤺ᤰᤗ ᤆᤥᤃᤢ᤹ᤖᤥ॥
8 ᤁᤖ ᤂᤧᤵᤔᤥ ᤋᤡᤱ ᤏᤢ ᤛᤡᤎᤪᤠ᤺ᤰᤐᤠᤖᤰ ᤗᤡᤱᤏᤧ ᤑᤠ᤹ᤃᤪ ᤂᤧᤴ ᤀᤡᤰᤋᤠᤵᤐᤡᤴ ᤀᤡᤏᤠ᤺ᤶ ᤐᤥ᤺ᤱᤅᤠᤱ ᤀᤡᤰ ᤁᤧᤔ᤺ᤒᤠᤸᤗᤧ ᤛᤠᤱᤃᤪᤠ ᤔᤧᤳᤋᤢᤀᤠᤱ ᤑᤠ᤺ᤳᤋᤪᤠ ᤁᤣ᤺ᤳᤋᤢ᤹ᤖᤥ॥
9 ᤀᤠᤔᤡ᤺ᤶ ᤋᤣ᤺ᤱᤈᤢᤶᤛᤣ. ᤀᤠᤏᤡᤃᤧ ᤀᤰᤂᤣᤗ᤹ᤖᤡᤰ ᤐᤠᤖᤡᤃᤧᤛᤠᤱ ᤂᤡᤏᤡ᤹ ᤕᤠ᤺ᤶᤒᤣᤀᤥᤃ ᤛᤧᤴᤗᤵᤐᤡᤴ ᤁᤧᤃᤠᤵᤐᤠ ᤏᤢ᤺ᤒᤠ ᤐᤠ᤺ᤴᤜᤠ᤹ ᤁᤧᤈᤥᤃᤢᤶ ᤁᤧᤗ᤹ᤒᤠ ᤛᤧᤰᤂᤠᤀᤣ ᤏᤡ᤺ᤛᤢᤶᤒᤧᤖᤥ॥
10 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧᤃ ᤏᤢ᤺ᤖᤡᤰᤁᤠᤱ ᤂᤠᤛᤧᤴ ᤆᤥᤃᤢ᤹ᤖᤥ–ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤔᤏᤠᤜᤠ᤹ ᤋᤃᤡ ᤁᤢᤓᤠ᤹ ᤁᤧᤒᤡᤖᤢᤶᤛᤡᤶᤔᤡᤸᤗᤧ ᤂᤢᤏᤧ᤹ ᤀᤥᤛᤣ᤺ᤴᤍᤠᤱ ᤁᤧᤈᤥᤃᤢᤶᤒᤠ ᤔᤡ᤺ᤶᤈᤡᤴ ᤂᤢᤏᤧ᤹ ᤏᤡᤱᤘᤠ᤹ ᤔᤧᤓᤢ᤺ᤳᤇᤢᤴᤗᤥ॥ ᤂᤧᤱᤃ ᤀᤠᤸᤗᤥ ᤌᤠᤖᤡᤰᤁᤠᤱ ᤁᤧᤈᤥᤃᤢᤶᤗ ᤁᤧᤘᤕᤡ᤹ᤖᤥ॥
11 ᤜᤧᤰᤁᤩᤠᤱ ᤂᤡᤏᤡ᤹ ᤁᤧᤖᤧᤰᤗᤧ ᤏᤡᤱᤛᤠᤱ ᤁᤧᤈᤥᤃᤢᤶᤒᤠ ᤐᤠ᤺ᤴᤜᤠ᤹ ᤛᤧᤰᤂᤠᤀᤣ ᤁᤧᤄᤥ᤺ᤛᤢᤶᤗ ᤑᤠ᤹ᤀᤠᤱ ᤒᤠ ᤂᤧᤴ ᤕᤠᤶᤈᤠᤱᤘᤠ᤺ᤴ ᤂᤡᤏᤡ᤹ ᤜᤡᤱᤜᤡᤱ ᤌᤠᤖᤡᤰ ᤁᤳᤋᤧᤶᤔᤧ᤹ ᤁᤧᤗ᤹ᤒᤠ ᤀᤠᤏᤡᤃᤧ ᤏᤡᤱᤘᤠ᤹ ᤆᤥᤃᤢᤶᤒᤧ᤹ᤖᤥ॥
12 ᤜᤧᤰᤁᤩᤠᤱ ᤂᤡᤏᤡ᤹ ᤗᤧᤶᤛᤫᤠᤒᤠ ᤔᤏᤠᤜᤠ᤹ ᤁᤢᤀᤡᤛᤡ᤺ᤰ ᤔᤧ᤺ᤴ. ᤁᤖ ᤏᤛᤠ᤺ᤴ ᤏᤢ ᤏᤡᤱᤘᤠ᤹ ᤜᤠᤱᤃᤧᤶᤛᤡᤱᤔᤠᤗᤠᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤧᤰ ᤆᤥᤃᤢᤒᤠᤴ ᤗᤰ ᤁᤧᤄᤥ᤺ᤒᤠᤜᤠ᤹ᤖᤧ ᤂᤢᤏᤡ᤹ ᤆᤥ᤺ᤱ ᤀᤡ᤺ᤳᤋᤧᤶᤔᤧ᤹ᤀᤥ ᤁᤧᤗ᤹ᤒᤠ ᤀᤠᤏᤡᤃᤧ ᤏᤡᤱᤘᤠ᤹ ᤘᤠ᤹ᤖᤥ॥
13 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤪᤠᤜᤠᤶᤔᤡᤴᤏᤢ ᤔᤠᤱᤜᤧᤰ ᤆᤥᤃᤢᤸᤗᤧ ᤂᤢᤏᤧ᤹ ᤀᤠᤒᤠᤅᤣ ᤁᤢᤔᤡᤱᤅᤡᤴᤏᤢ᤺ᤸᤗᤧ ᤘᤣ᤹ ᤕᤶᤒᤠ ᤔᤡᤱ ᤜᤥ᤺ᤵᤋᤧᤒᤠᤸᤗᤧ ᤀᤠᤒᤠᤅᤣ ᤁᤢᤔᤡᤱᤅᤥ ᤀᤰᤂᤣᤗ᤹ᤖᤡᤰ ᤔᤠᤱᤜᤧᤰᤛᤡᤱᤗᤥ.
14 “ᤛᤧᤰᤂᤠᤀᤣ ᤀᤡᤱᤃᤠ᤹ ᤕᤖᤡᤰ ᤔᤢ᤹ᤀᤡᤛᤠᤶ ᤐᤡᤏᤧᤖᤥ ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤔᤢ᤹ᤀᤡᤍᤠᤱᤛᤠᤜᤠ᤹ ᤕᤖᤡᤰ ᤑᤥ᤺ᤛᤢᤱᤛᤡᤱᤗᤥ॥”
15 ᤜᤧᤰᤁᤣᤗ᤹ᤖᤡᤰ ᤀᤒᤪᤠᤜᤠᤔᤖᤧ ᤏᤡᤱᤘᤠ᤹ ᤜᤠᤱᤃᤧᤶᤛᤡᤱᤗ ᤜᤠᤱᤄᤢᤀᤠᤱ ᤔᤠᤱᤜᤧᤰᤁᤥ ᤁᤧᤘᤠ᤹ᤒᤠ ᤐᤠ᤺ᤴᤜᤠ᤹ ᤂᤥ᤺ᤛᤢᤖᤥ॥
16 ᤌᤣᤀᤠᤱᤓᤧᤸᤗᤧ ᤔᤏᤠᤜᤠ᤹ᤖᤧᤃ ᤀᤠᤒᤠᤅᤣᤏᤢ᤺ᤸᤗᤧ ᤕᤶᤒᤠ ᤔᤡᤱᤅᤥ ᤔᤠᤱᤔᤧᤜᤧᤰᤛᤡᤱ ᤜᤧᤰᤁᤩᤠᤱ ᤂᤧᤴ ᤔᤠᤱᤜᤧᤰᤁᤡᤸᤗᤧ ᤁᤠᤰ ᤐᤠ᤺ᤴᤎᤱ ᤔᤧᤏᤢᤵᤛᤢ᤹ᤖᤥ॥
17 ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤔᤠᤱᤜᤧᤰᤁᤡᤴ ᤀᤠᤵᤑᤠᤸᤗᤧᤀᤠᤱ ᤔᤧᤗᤧᤰᤂᤢᤴ ᤁᤧᤗ᤹ᤒᤠᤴ ᤁᤢᤔᤠᤱᤜᤧᤰ ᤁᤧᤄᤥ᤺ᤒᤠᤜᤠ᤹ ᤀᤥᤛᤣ᤺ᤴᤎᤠᤰᤔᤠᤛᤡ ᤛᤠ᤹ᤖᤡᤰ ᤏᤡᤱᤘᤠ᤹ ᤆᤥᤃᤢᤒᤠᤸᤗᤧ ᤂᤢᤏᤧ᤹ ᤔᤠᤱᤜᤧᤰᤛᤡᤱᤗᤥ॥
18 ᤀᤰᤂᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤔᤠᤱᤜᤧᤰ ᤆᤥᤃᤢᤀᤠᤱ ᤔᤠᤱᤜᤧᤰᤛᤡᤱᤗᤥ॥ ᤁᤴ ᤏᤧᤳᤇᤡ ᤐᤠ᤺ᤴᤜᤠ᤹ ᤀᤠᤵᤑᤠᤸᤗᤧᤀᤠᤱ ᤔᤧᤗᤧᤱᤏᤧᤴ. ᤌᤣᤀᤠᤱᤓᤧᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤱᤗᤧᤰ ᤐᤠ᤺ᤵᤔᤠᤀᤣ ᤔᤧᤛᤢᤰᤋᤢᤴ॥ ᤀᤠᤏᤡ᤹ ᤂᤢᤏᤧ᤹ ᤁᤢᤃᤶᤒᤪᤠᤱᤅᤥ ᤋᤠᤱᤛᤧ᤺ᤵᤛᤡᤱᤛᤧ ᤁᤧᤒᤣ᤺ᤰᤐᤠᤜᤠ᤹ᤖᤧ ᤀᤠᤄᤥ᤺ᤛᤢᤶ ᤁᤧᤗ᤹ᤒᤠ ᤏᤡᤱᤛᤠᤱᤅᤡᤴ ᤀᤠᤸᤗᤧᤖᤢᤶᤔᤡᤴᤏᤡᤸᤗᤧ ᤜᤠᤱᤜᤠᤱ ᤀᤠᤗ᤹ᤖᤥ॥
19 ᤁᤴ ᤏᤡᤱᤛᤠᤱᤅᤡᤸᤗᤧ ᤀᤠᤏᤡ᤹ ᤜᤡᤱᤔᤴᤏᤡᤴ ᤌᤎᤵ ᤔᤧᤸᤗ᤹ᤔᤏᤠᤒᤠ ᤆᤥᤃᤢ᤹ᤖᤥ॥ ᤁᤴ ᤏᤡᤱᤛᤠᤱ ᤀᤠᤈᤥᤃᤢᤶᤒᤠ ᤕᤧᤛᤢ᤺ᤴ ᤛᤠᤱᤃᤪᤠᤶᤐᤣᤍᤠᤱᤅᤥ ᤑᤥ᤺ᤴᤍᤠ ᤛᤡᤃᤠᤱᤒᤠ ᤛᤣᤛᤣᤒᤠᤍᤧᤴᤏᤥ ᤗᤠ᤺ᤳᤗᤥ॥
20 ᤂᤧᤵᤔᤥᤃ ᤕᤧᤛᤢ᤺ᤴ ᤀᤠᤏᤡ᤹ ᤗᤠᤃᤡ ᤋᤃᤡᤛᤠ ᤐᤣᤀᤠᤱ ᤘᤠ᤹ᤖᤥ॥ ᤂᤢᤏᤧ᤹ᤃ ᤔᤸᤁᤡᤛᤧᤍᤧᤁ ᤁᤢᤀᤡᤛᤡ᤺ᤰᤐᤠ ᤛᤍᤠᤍᤡᤱ ᤁᤧᤘᤠ᤹ᤒᤠ ᤔᤠᤏᤡᤱᤘᤠ᤹ᤑᤢᤛᤠᤶᤒᤠ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥