1 Kana na akus i mamain ta polpolokan le si Abaram tung si David tung si Iesu Karisto.
2 Abaram kata apolokai ani Isak,
3 Au na Iudas kata apolokai ani ri Pares ve Sara, rinarilong ta Tamar.
4 na Aram kata apolokai ani Aminadav,
5 na Salmon kata apolokai ani Boes, rinana ta Rakav.
6 na Iesai kata apolokai ani David nia na tulava.
7 Au na Solomon kata apolokai ani Roboam,
8 na Asap kata apolokai ani Iosapat,
9 na Osias kata apolokai ani Ioatam,
10 na Esekias kata apolokai ani Manases,
11 na Iosias kata apolokai ani ri Iekonias ve keve tasina si taun i kong ato aniria ane Babulon.
12 Au, e mung i kong ato aniria ane Babulon,
13 na Sorobabel kata apolokai ani Abiut,
14 na Asor kata apolokai ani Sadok,
15 na Eliut kata apolokai ani Eleasar,
16 na Iakov kata apolokai ani Iosep,
17 Au, asukang na tataot i keve polpolokan le si Abaram tung si David kapo sangauli na puat aongos. Na asukang kapa le si David tung si taun i kong ato aniria ane Babulon kapo sangauli na puat aongos. Na asukang kapa le si taun i kong ato aniria ane Babulon tung si igenen i akanangai kala serei, kapo sangauli na puat aongos.
18 Ingus ani Iesu Karisto kata asukang ke. Rinana ta Maria, na si taun ang kita pala ia ani Iosep na parik lak kilong tapa ago kuvul, kila arai ta kalapo sungsungukan le si kitmat i Malanganto Gogoai.
19 Au na Iosep, kana tauan, katapo igenen korong na katapo misag ani ka mamaila na kapo buk ta ka atolongon suai musik lik ania.
20 Taun ang a lomlomonai ang katapo ago lak, angelo si Volava kala serei singina nei orodung, na kala antok ia, “Iosep, nat i David, ku ago ta leng an ani osongon ta Maria using kana sungsungukan le si kitmat i Malanganto Gogoai.
21 Na ka ingus lak a nat tauan, na ku atuk ia ta Iesu using ninia vanang ka vil ato kana vap pelek kari lau rikek.”
22 Io, keve bil ke kata serei si apunuk ani kana mengen a Volava e nguruna i katakai i kus amalangas asukang ke,
23 Arai, aina tanginang ang ka sungsungukan lak na ka ingus a nat tauan na ki atuk ia ta Emanuel, supsupai ina ta God ve tara.
24 Na Iosep kala tapangun na kala vil ia asukang val angelo si Volava kata antok ia na kala osongon kana aina
25 na parik katapa rot kuvul ve nia tung si kala ingus a nat tauan na kala atuk ia ta Iesu.