1 Annachaja nan listaan nan nerpugwan Hesu Kristu gway nerpu san kana' Ali Dabid gway nerpu ahos san kana' Abraham.
2 Sa'ad as Abraham aman Isaac,
3 Sa'ad as Juda aman cha Fares an Zara gway as Tamar nan inacha,
4 Sa'ad as Aram aman Aminadab,
5 as Salmon gway asagwan Rahab aman Boaz,
6 Ad sa'ad as Jesse aman Ali Dabid.
7 Sa'ad as Solomon aman Roboam,
8 Sa'ad as Asa aman Jehosafat,
9 Sa'ad as Ozias aman Jotam,
10 Sa'ad as Hezekias aman Manases,
11 Sa'ad as Josias apun cha Jeconias ja chanan susunudnaay lallaya'i gway nijana' san chimpun nan napapilit niijoy chanan ijIsrael ad Babilonia.
12 Nappung ad niijoy chanan ijIsrael ad Babilonia,
13 Sa'ad as Zerubabel aman Abiud,
14 Sa'ad as Azor aman Zadoc,
15 Sa'ad as Eliud aman Eliazar,
16 Ad sa'ad as Jacob aman Josep gway asagwan Maria.
17 Sija nan nasagwayan as opat nan lunap gway malluki an Abraham ingkana an Dabid. Ad malluki ad an Dabid ingkana san chimpuway napapilit niijoy chanan ijIsrael ad Babilonia, agwad nan nasagwayan as opatay lunap. Ad malluki ad ahos san nappungcha niijoy ad Babilonia ingkanas nijana'an Kristu, agwad nan nasagwayan as opatay lunap.
18 Amasna nan ininon Hesu Kristu gway nijana': Ni'awherjan kun as Maria gway inan Hesus an Josep gway chaancha man'atum, naakammugwanay mahukis Maria kapu san ayobhongan nan Ispilitun Apudyus.
19 Sa'ad as Josep gway ni'awherjanana, kapu tan nalintokay taku lagwingonaay miwhawhain as Maria kun simsimmo'naay achina asawwon as Maria gway achina kun impaakammu sasan taku.
20 Gwon sa'ad san manom'asom'ana san annaja, nampaila nan anghel Apudyus an sija san ininop gway anana, “Josep gway kana' Dabid, achi'a umogjatay mangasagwa an Maria tan nan nahukiyana kapu san Ispilitun Apudyus.
21 Ijana'na nan laya'i ad nginadnam as sija as Hesus tan takuwona chanan takuna sasan whersucha.”
22 Na'gwa nan annaja tot matungper nan ingwhakan Apudyus an profeta Isaias gway anana,
23 “Chongyonju, sa'ad nan osa whawhallasay chaan pabog mahuki
24 Gwot humangon kus Josep, pinatina nan ingwhakan nan anghel Apudyus kun inasagwana as Maria.
25 Gwon achina kun ini''ibog as sija ingkanas iyana'na nan ana'. Kun nginadnan Josep nan ana' as Hesus.