1 Ti ‑hi la a ti 'yri, 'kɩ Nyɩsʋa nɛɛ la 'lɩ 'a winwlɔn‑hanyʋ wlɔn, 'ɛ yɩ la 'lɩ ‑aan 'baɩnʋ ‑mɔ ‑hlee ‑nɩ 'a ‑nɛ ti, 'kɩ 'lɩ ‑tɛblɩ a gblegble 'kwli.
2 Kɛ‑ Nyɩsʋa ni la 'lɩ 'waa ‑mɔhleelɛ, 'ɛ yɛ 'klɔ a lɛ'bɔɔti kɩ. Kɛɛ, ti ‑bʋ 'yri, 'kɩ Nyɩsʋa naa 'lɩ a 'Yu ‑Yusu 'lɩ, 'ɛ hlee 'lɩ ‑a mʋ ‑mɔ. Ti ‑mʋ', ‑ɛ kɔ 'yri Nyɩsʋa nii la 'ʋ 'klɔ, 'kɩ ɛ naa 'lɩ 'a 'Yu a 'mʋ 'lɩ, 'ɛ nu 'klɔ ‑bʋ. Ɛ nɔ‑ Nyɩsʋa ‑ha 'lɩ, 'kɩ ɛ 'mʋ 'a ‑nɛ ꞊dedede win kɩ ‑kɔɔ ‑nɩ.
3 'Kɩ 'lɩ꞊ɩ 'lɩ, 'kɩ ‑a yɩ 'lɩ Nyɩsʋa a ‑tɩ a 'yi'bʋalɛ 'lɩ 'yee ‑nɩ. Ɛ mɔ ꞊han‑tɩ ꞊nɩɔ, ‑tɛ ‑mʋ', Nyɩsʋa nɩ 'mʋ, kɛ‑ ‑Yusu nɩ 'mʋ ‑wɛ. 'A wlɔn bʋ a win nɩ 'klɩ kɩ. Ɛ nɔ‑ kɔ 'kwli ɛ nɛɛ 'lɩ, 'ɛ 'ble 'klɔ ‑bʋ kʋa. Ɛ nɔ‑ 'kʋ, 'kɩ 'ʋ ‑tonyibli a ‑ta', ‑ɛ di꞊e nu, ɛ 'mʋ ꞊nʋ ꞊gblɛ, 'kɩ 'ʋ 'waa dɛ 'kuku ‑mɔ', ‑ɛ di꞊e nu, ʋ 'mʋ 'ʋ yɩ 'sii ‑nɩ, 'kɩ 'ʋ Nyɩsʋa ye'. ‑Tɛ ɛ nu dɛ a 'mʋ, ‑ɛ ‑bɩ 'kɩ ɛ mu 'lɩ yakɔ 'kwli, 'ɛ nɩ 'ʋ 'Klɩkɩnɩnyɩsʋa a diidɛkɩbɩa kɩ bʋ, ‑ɛ nɩ 'ʋ 'a ‑nɛ ꞊dedede 'lu yɩ, ‑ɛ di꞊e nu, ɛ kɔ꞊ɔ 'hʋɛn‑, ʋ 'mʋ 'klɔ ‑bʋ win kɩ ‑kɔɔ ‑nɩ.
4 Ɛ nɔ‑ nu꞊o, Nyɩsʋa 'ɛ nu꞊o, 'a 'Yu a 'mʋ, 'ɛ nɩ 'ʋ 'a lɛlenyʋ 'lu yɩ, 'ɛ ꞊tue꞊e 'nyrɛ ‑mʋ', ‑ɛ 'bʋa, ‑ɛ nɩ 'ʋ 'a lɛlenyʋ a 'nyrɛ 'lu yɩ.
5 Kɛ‑ Nyɩsʋa pɩ la 'a 'Yu yɩ, ɛ wɛn:
6 Ɛ kɔ ‑tɩ ‑bɩ, Nyɩsʋa 'ɛ hla꞊a, 'kɩ 'ʋ 'a 'Yu a 'mʋ kɩ, ‑ɛ nɩ 'ʋ 'a ‑nɛ ꞊dedede 'lu yɩ. 'Tɩ‑ Nyɩsʋa 'mʋ 'nɛ꞊ɛ ‑tʋtʋ kɩ ‑tɛ, ɛ wɛn:
7 'Kɩ 'ʋ 'a lɛlenyʋ ‑mɔ ‑bɩ kɩ, ‑tɩ ʋ 'crɩ la, 'kɩ 'lɩ Nyɩsʋacrɩɛn 'kwli, ɛ nɔ‑ ‑bʋ:
8 Kɛɛ, ‑tɩ ‑bʋ, ʋ 'crɩ la, 'kɩ 'ʋ 'a 'Yu ‑mɔ ‑bɩ kɩ, ɛ nɔ‑ ‑bʋ:
9 Dɛ ‑mʋ', ‑ɛ 'sii 'ʋ yɩ, ɛ nɔ‑ ‑nʋɛ ‑nɩ,
10 ‑Tɩ ‑mʋ', ʋ 'crɩ la de, 'kɩ 'ʋ 'a 'Yu a 'mʋ kɩ, ɛ nɔ‑ ‑bʋ:
11 ‑Tɛblɩ a pɛpɛ ‑mʋ', ‑nu, ɛ di bʋ 'nɩ ‑wɛ.
12 ‑Tɛ nɩ ‑do ʋ ni 'hʋɩlɛpʋ‑tɛblɩ 'kɩ a 'pʋpla,
13 Kɛ‑ Nyɩsʋa pɩ 'a 'Yu yɩ de, ɛ wɛn:
14 Nyiblo a 'dɩ ‑bɩ ‑mɔ Nyɩsʋa a lɛlenyɔ 'lɩ? Ʋ mɔ 'kuodʋ ‑bɩ ꞊nɩɔ, ‑ʋ ni Nyɩsʋa a ‑kʋan, Nyɩsʋa 'ɛ yɩ ꞊nʋ lɛ le, bʋ ‑hɛɛ nyibli ‑mʋ', Nyɩsʋa di wa.