1 Goe te a, dew ke isi ngende-mbay te le, moo maketuru ke n̂-ke to jia te ke kɔl. Duja maketuru me te ddem, gire te ddem. N̂-lete tae, loe siri+ 5.1 Daw n̂-lete ta ne ke tibbi ngaa dunda endaji dɔe te ta tɔju to n̂-tɔ ta ne le mban.
2 Moo mare anji ke nje singa-mɔngu aw ila mber ke singa na: «Na ase ta kɔru ne ke n̂-lete ne ta maketuru neenn ngaa ta teyn wa?»
3 A me dara te, wase dɔ nange te, wase gel nange te, dew kara ke ase teyn maketuru le ta kaa mee koo goto.
4 M-nɔ nya, mba dew ke ase ta teyn maketuru le ta kaa koo goto.
5 A kara le tɔkuje le pa arem na: «E-nɔ ang. Oo, tebeyn ke gel Juda te, ne ke n̂-to dew ke gel Dabbiti te n̂-tete ddɔ, nase ta kɔru ta maketuru ke toke lete loe siri le ddem, ta teyn maketuru le ddem.
6 Maa lo, ngaa moo mare Ngonn bate ar danna mbɔr ngende-mbay te le, horo neje te sɔ ke toje kem baa le, ke horo tɔkuje te le. Ngonn bate le ar toke bate ke n̂-tɔle to ne-polo. Gaje ee siri, ngaa keme ee siri tɔ. Keme ke siri le toje to ndilje le Lubba ke siri ke Lubba ulade dɔ nange te tɔyn le.
7 Ngonn bate le nja ke kete aw taa maketuru le ji dew te ke isi ngende-mbay te le, jia te ke kɔl.
8 Kake n̂-taa maketuru le a, neje sɔ ke toje kem baa le, ke tɔkuje ke dɔjoo gire sɔ le ɔsuje mekeji gɔlde nangê nɔe te. Konde, ke engo-nareje ke yambo ddusu toje jide te kara kara tɔyn. Yambo le to duju le dewje le Lubba.
9 Daw dɔsuje pa ke siki na:
10 E-ddade to dewje ke me Bbe-kɔn te le Lubba, ke nje-poleje, kare n̂-ddaje kula laa.
11 Maa lo bbay a, moo ndu anjije banya banya. Kɔrde ase doro doro ase tura ang. N̂-gukuje dɔ ngende-mbay le, ke dɔ neje sɔ ke toje kem baa le, ke dɔ tɔkuje le.
12 Dɔsuje pa ke singa na:
13 Moo ndu neje tɔyn ke Lubba ddade ngaa toje me dara te, dɔ nange te, gel nange te, dɔ ba-kate te, ke me ba-kate te. Dɔsuje pa na:
14 Neje ke sɔ ke toje kem baa le paje na: «Amem!» A tɔkuje le ɔsuje mekeji gɔlde nangê ngaa poloje ne ke nisi ngende-mbay te le ddem, Ngonn bate le ddem.