1 Ta infiyye, Pútuun pa mpúkupkup niŋ símaama unaa pínapii ti piyaamakoola etempo; mpíhinhin fo tan óo tan ti pákupal peemeeŋe niŋ pawenal peemeeŋe.
2 Pale ti kunoom ka kikelan enke, púkupaakup niŋ unaa pínapii ti Añii etempo. Teyoo Pútuun pa mpínapii pipiliil púlunta pa, akina lompo mpimamale kati atoon waah óo waah.
3 Akina ayem ecaaŋ ya eti hamake ha hiti Pútuun pa. Akina ayem anakool a pánipani ya ati Pútuun pa, naayekan waah óo waah ti sempe sa siti hilimoo. Ta naapaye ta kaakuulan umuuyen wa uti pakan paka, naayeno look alacana ti epees yáali ya eti Pútuun pa, peemaka pa.
4 Fiyuu naahaŋe meemak pumaleekoo pa, samat nii fa Pútuun pa mpuwufanoo fa caacaw ceehaŋe citi pumaleekoo pa meemak.
5 Pánipani, Pútuun pa pitaapala pusok yoonool ti pumaleekoo etempo:
6 Pale ta mpúpoñii ta Añii etempo áyaañ a ti púlunta pa, mpusok:
7 Eehe Pútuun pa mpusoke kiti pumaleekoo etempo, pusok:
8 Pale Añii ya mpusok:
9 Aálafilafi heecoonoole, innat heenaput.
10 Pútuun pa nene pusok:
11 Waah ewwe púlooŋ éfuucim, pale awe aafatowo fo cancowiyaaw.
12 Aafapoon wo samat nii fa hísool napoonee,
13 Pútuun pa pitaapala pusok maleekoo:
14 Ooto weyme uyem pumaleekoo? Pikina púlooŋ kunuu lamma, píhina Pútuun pa. Púpoñiyoopoñ po pípikey pipiyankanan payenka efikafakanee ka.