1 Fiye Móyiis niŋ pakati Israyel nkacook Ateeteyo hícimu eehe:
2 Ateeteyo ayem sempe sa sitoom niŋ hícimu ha hitoom,
3 Ateeteyo ayem akama ya enfakat a,
4 Aséemanaa-séeman ti kaatii ka
5 Kúsuh ka nkimelii,
6 Ateeteyo, epeesi yáali ehaŋe waah óo waah sempe;
7 Ti hamake ha hitii henfakat ha
8 Emma ánfuuteene ma,
9 Akamool unaa asok hínum:
10 Pale awe Ateeteyo, ínfuuteen kaatii ka nkimelii,
11 Fo eyyeyme énaati ecuke nii awe Ateeteyo?
12 Impántin epeesi yáali,
13 Ti pálafi pa pitii peepayantoo pa
14 Pakan paka kásiyaasi, nkakikilan,
15 Fiye ñíhampaatiin ña pakati Etom nkaliim,
16 Ewatate enfakat néenowii teyii;
17 Ateeteyo, aafacoopii iyyenanii
18 Ateeteyo, awe amansa fo eket maama!”
19 Ta pufalinc pa, pisaleet pa niŋ piteteyana pufalinc pa pakati amansa ya nkanakiye ta ti kaatii ka, Ateeteyo náañahanii man ma teyii. Pale pakati Israyel nkafiitan ti etaam eesuuce.
20 Ayaamakoola ya Miriyam, Aaron ahoopoo, náacoopii pankalaŋ pa piteyoo. Pakaal Israyel púlooŋ nkácoopalii ñankalaŋ nkanapanoo nkayeno ekii.
21 Miriyam nene acook hícimu ha:
22 Móyiis naacoop pakati Israyel nkáful ti Kaatii ka Kéecunke ka nkahiiŋ ti káahaaŋ ka tes kiti Sul. Nkasapal kunoom kíhaaciil kacukut man.
23 Nkacol la nkasok la Mala nkacuk man, pale kayinaat mo pálaani kamma pasampe, ekina ewune nkasok toko Mala (ekina eyem “pasampe”).
24 Pakan paka nkayeno káakumutool ti Móyiis nkasokoo: “Weyme nuukaakaay pálaani?”
25 Móyiis naakooŋ ti Ateeteyo kayankanan. Ateeteyo náayisanoo hikasap, hikina naacoope naawant ho ti man ma, ímmineeniyii ummucoon pálaani.
26 naasokii: “Niŋ nísiitanaam pinap, inci Ateeteyo Pútuun pa pitaaluu, ínnihin heecoonoole ti ñíkinam, niŋ nísiitanaa eeha inci insoke ha ínnituul kilim ka kutoom keesiiŋanee ka púlooŋ, ínnihinaa eehuu, úkuuñu wa púlooŋ ewwa inci úwwananii wa ti pakati Esipt, étiwananii wo taaluu, kaatuko inci yem Ateeteyo ákuuñana ya ataaluu.”
27 Púful toko nkacol Elim, toko intaak úpun ŋaasuwan núusupak niŋ úyita áwii éhaaciil niŋ ŋaasuwan (70), nkasiiŋan toko púkuut pa piteyii.