1 Adon, aon oman kinita ko na malaikat na yapanaog sikun sa sorga. Dakowa yang kanan kapatot aw sabap sang kanan kasiga kya-allagan yang tibok donya.
2 Ansinyan yagalaong yan ng matanog,
3 Yang Babilon maynang bobay na yagakadopang. Yang kariko ng mga bangsa yamadaa nan sang pag-inang ng maat
4 Ansinyan aon oman dyungug ko na tuna pa na sowara sikun sa sorga na yagalaong,
5 Kay syomongko da adto sang langit yang mga dosa nilan
6 Daw ono yang ininang nilan adto sang kadaigan, maynan oman yang ma-inang kanilan.
7 Pasakitan silan aw atagan silan ng dakowa na karido
8 Na, sabap sinyan sakadyap silan adatungan ng mga batalo.
9 “Yang mga soltan adi sang donya na yanagjina upud kanan aw yakasawit ng kakawasaan nan, pagkita nilan sang ubuu na yagasikun sang pagkasonog nan, amarido aw managtiyao silan sabap kanan.
10 Awgaid matanaw gaid silan sikun sang mawat kay yamalluk silan na basin ma-apil sang siksa kanan. Aw magalaong silan,
11 “Yang mga negosyante adi sang donya amarido aw magatiyao oman sabap sang yamaitabo kanan kay waa day magabili ng kanilan mga barigya.
12 Waa day magabili ng kanilan bowawan, pilak, mangkamahal na mga bato, perlas atawa yang mangkadyaw na mga tela, mga tela na mapowa aw bayolet na para sang dagom ng soltan, aw yang masinaw na mga tela. Way oman magabili ng mangkaballo na mga kaoy, mga butang na ininang sikun sang tango ng elepante aw mahal na kaoy, bronsi, potaw aw yang marmol.
13 Waa day magabili ng mangkaballo na mga anag, mga toob, mangkaballo na taguk, bino aw lana ng jayton, mangkadyaw na arina aw trigo, mga baka, karniro, koda, mga kalisa, aw maskin pa yang mga otaw na allang.
14 “Na, magalaong da silan sinyan na syodad,
15 “Yang mga negosyante na yamangkasapi sabap sinyan na syodad, adto silan manag-indug sang mawat kay yamalluk silan na basin ma-apil sang siksa kanan. Magatiyao silan sabap sang karido nilan
16 aw magalaong silan,
17 Awgaid sang sangka pamiluk gaid yamasapad da yang kanilan kakawasaan.’
18 Pagkita nilan sang ubuu na yagasikun sang yamasonog na syodad, magapiyagit silan aw laong nilan, ‘Way lain na syodad na malabaw pa sinyan na syodad yang kabantog!’
19 Sabap sang karido ng ginawa nilan asabodan nilan ng abo yang kanilan oo aw managtiyao silan. Aw magalaong silan,
20 Awgaid kamo na adto sa sorga, pangkasowat da kamo sabap sang yamaitabo sidto na syodad!
21 Adon, aon sambok na malaikat na mabarakat na yakamang ng dakowa na bato na mag-onawa ng dakowa na galingan aw damian adto sa dagat. Aw yagalaong yan,
22 O kay Babilon, di da adungugun ansan kammo
23 Waa day akitaun na ilawan ansan kammo
24 Na, siniksa da yan na syodad