1 Senagi senagi, uru tau gaderi ma ida tau dudu, Sei yaku ini ago niyadi vene dudu uni aufakai rofu ini ago niyo,
2 ye gua ari metonari, bi ini Mida dudu una rofu ago niyo. Ini Mida beika baika tau fafau rau resi ina dudu, ka kono ma oma di beika baika tau riyo.
3 Ina yaku Sei di vabara kikisi Sei iniye ogau nisi ini ago vava dudu beika baika tau vakoi moi gira redo. Uni vegu no koitesi bi omari Odoro iniye amiye di vana rama eta rofu ameinu reyo.
4 Ye ina bi makai dudu naivo naivo vima rofu bi isivaga iniye; ini roka Sei yaku maro bi isivaga iniye ina vene di kana de dada.
5 Adina Sei yaku ini naivo naivo vima bedakai rofu toga de niyo:
6 Ma dudusa, Sei yaku ini ourena Mida mina konori moi soka regasa yomakai niyo:
7 Resi ini naivo naivo vima fafau yomakai niyo,
8 Idu ini Mida fafau yomakai niyo:
9 Ya bi mokena rorobo uka masi amiye uka esika mana gubuyo regamo.
10 Ka niyo:
11 Tutumui digedi, idu ya ameibobigiya;
12 Bou varuka doba kana firo rigiya,
13 Kamini Sei ini naivo naivo vima yokoi rofu toga yomakai de niyo:
14 Ye ina bi naivo naivo vima, kaere bi moi vegu rina vegu moigedi vene dada naivo regi moi feideyo.