1 Subuta mole Dilavau vani moaga au vaveve nimolete moaga au beloveta haivege abu nahie buluve namigevelu.
2 Isito aike vanie gabi komo au mo hanavoge moveu dobai lohoale hotove loui nahie namigevenu. Dilavau louge ata ke igaemoike onobenobe bahata ua. Iale Dilavau ke ebagemale kemo auna gabie onobenobe bahata nibievei.
3 Ke atagau Dilava ataga ke nahate balugataho. Keu Dilavati mole nahate unaha. Iale hotove vuvune kemoike onobenobe bahata keau ui tima. Iale keu atae vaveve toela ulihaito otogoe tiale Kosive baluga vuvunete ke ada inuteatave ugulamonu.
4 Dilavau au mo ke ebagemage keu anelu bahata evigevenu. Isi Dilavau au mo ke ivihage ivive keu anelu kebia ivi evigevenu.
5 Kosealemo Dilavau au moho loui avoe,
6 Kateai au mo igae vatae hanavoliho tota loui avoe,
7 Dilavau Bukae Hotomo avoe,
8 Anelu vaveve louito au moe vaveve lounu. Au avuho loui avoe,
9 A vaveve duaho isiviaito vaveve toelaho isiviholinu.
10 Dilavau kateai louito tota avuho hoto mole lounu. Isi avoe,
11 Isito a vaeveale keabuna bahata uoholisege a kena ui tigei.
12 Ige ana kebia mahoevege abuna uoholige dogavena ui.
13 Dilavau kateai au moho louito tota namihai avoe,
14 Iale anelu keabuna vadeai. Keau Dilava isivi vamale munanaea. Iale Dilavau kebia hanavege keabuna ukolikoli maleveve ata kebia tedaevegei.