1 Nanda nano namendi, nanda ghamo joká isambuimi na uju beká ava erena, nanda natofo, Israel embo isambu, jebuga tambaeteri. Na nendae sedo God kena banunguse irá gheraena.
2 Na nendae geka beká ava osa sari dae erena: ne God dae uju beká ava eraera. Avata ne God tumonde bainghari da emboro beká ava, jo kasama edo diti basaeri.
3 Na aminge resena da beká mo: Keriso fira buviri gido, Agho Dari da emboro+ God kena amo gagojusira. Ava sedo, oroko mave Iesu tumondarira amo, God nundae ‘eveva’ sarira. O mave Iesu jo tumondae irise, Agho Dari avanembo kaifa ari dae e garira amo, nu God jo tambae arira. Avori, nanda natofo Jusi embo, ne tumondari da emboro+ amo jo kasama ae irise, totofo nenda emboro eni God kena afigari dae siseri. Aminguse, ne God da emboro nune simbugusira ava, nene ighagha useri.
5 Moses gefusira amo: God da Agho Dari rea resira ava, mave amingarira aimi, nu jebugarira.
6 Avata mave tumondari da emboroda+ ise God kena buvari dae sarira aindae, God da Geka jokáda eminge resira:(Geka aminge saetera amo, inono namonde viti ya Keriso utuda tava aeteri. Avata namonde jo viti ya, Keriso utuda tava ae arera.)
7 A vasa eninda resira:(Geka aminge saetera amo, inono, namonde Keriso ambari embo jokáda tava edo budo furaeteri. Avata namonde Keriso jo ambari embo da jokáda tava ae arera.)
8 Namonde nange God kena ya buvaetera, ainda emboro ava ijuguse, God da Geka eminge resira:God da Geka aminge sise, ‘geka’ resira emo, a kotugo namane nene tumondaovo dae sedo, geka vironu sise irá gheraera amo, geka daba avori.
9 Ainda beká mo: ne nenda bekaimi, “Iesu mo, nu nanda Bajariri,” sise, nenda dubo jokáda eminge kotise irareva, “God setiri Iesu ambarida ghe jebuge erorusira amo, geka bekári,” aminge sise a kotise irareva amo, jebuga evovodae irari ava tuve bareva.
10 Ai resira amo: namondeda dubo jokáimi tumondarera amo, God ava gido namondedae ‘eveva’ sarira. A beka afige, namonde tumonderaera ava osa siruroro ningarira amo, God jebuga evovodae irari ava mutari namonde barera.
11 Mave Iesu tumonduse irá gheraera aindae, God da Geka eminge resira:aminge resira.
12 Geka aminge resira amo, nu evetu genembo isambudae resira. Ainda beká mo: namane Jusi embo a namanenda gitofu kau daba avori. Jo dombu eni iraeri. Namonde isambu, namondeda Bajari dabako aimi kaifa eraira. Evetu genembo mave numokena kori sarera amo, Bajari nune ne isambu esimbuge gogoghombarira.
13 A kotugo, God da Geka aindae eminge resira:God da Geka aminge resira.
14 Avata evetu genembo mave nu jo tumondae irera amo, ne numokena kori jo sae arera. A kotugo, mave nunda Bino jo ningae irera amo, ne nange nu tumondareri? Kotugo aghi kakato jo ya ainda Bino ava, vironu sae arera amo, ne nange ningareri?
15 A kau daba aminga ava, aghi kakato jo dirigaoro yae arera amo, ne jo ya vironu sae arera. God da Geka aindae eminge resira:aminge resira.
16 Avata kotugo God da Bino Eveva ava, jo isambui ningi tumondae useri. Ava kotise, feroveta Isaiah, nu God da Geka ainda jokáda eminge gefusira:aminge sisira.
17 Ava sedo, namonde eregosera: tumondari mo, bino ningarikena sirorarira. Kotugo Keriso da Bino ava, vironu sarera amo, mendeni ainda bino ava ningarera.
18 Avata na ategi erena. Evetu genembo mendeni seraera, “Namane Keriso da Bino jo ningae irera.” Amo, ne geka beká seraera, ai? Kote givu! Amo jo geka beká iraeri. Ne anakora nininguseri. God da Geka aindae eminge resira:aminge resira.
19 Avori, na sekago ategi erena. Amo, namanenda natofo Israel embo aindae sise, ategi erena. Israel embo, nene eminge saeteri, “God da Bino, namanenda gitofuimi ningi kasama use tumonderaera ava, namane jo ningi kasama ae irera.” Aminge saetera amo, geka beká iraetira, ai? Kote givu! Amo jo geka beká iraeri. Moses nu tofo mandi giti beká, nenda ategi ainda mino eminge sisira,Moses aminge gefusira.
20 Kotugo Isaiah geka isagha beká eminge sisira:Nu nanda natofo Israel embo da gitofudae, aminge gefusira.
21 O, Isaiah nanda natofo Israel embo kotise, eminge sisira:Isaiah Israel embodae aminge gefusira.