1 Arie God, nandae joka beká, joka beká aetesi, ainda susumo na nimokena ambo sose fetari refena.
2 Na God ika bekáda aikena kori seraena.
3 Nune utuda irise nanda benunu da mino futuse sari na jebugarena.
4 Nanda gitofu, raioni (lion) genembo mindiraera da kakaugo aimi na jimbe birurugheteri.
5 Arie God, ninda teria kau mavega ava utu aminda ijuge, isagha are! Ninda usasa mutaso vose endaé beda are!
6 Nanda gitofuimi nane ombono bari dae sedo, futo bariseri. Na dubo bunise irena.
7 Arie God, nanda tumondari nimokena amo jo roimi ari doyae arena. Na yaru didivuse, ninda javo jighono erarira.
8 Arie namoako, erone! Nanda gita a yuka ghae, divari dae erena! Nane giti yaru didivururono, iji vitarira.
9 Arie Bajari, evetu genembo utu gambari utu gambari irera, ainda dombuda nindae aiyakoe sarena.
10 Ni dubo rurudo refesa aimi, enda beda edo viti ya utu tamburaira.
11 Arie God, ninda teria kau mavega ava utu aminda ijuge, isagha are!